ހޯމް މިނިސްޓަރ އެމްޑީޕީ އާއި ގުޅިވަޑައިގަތުމަށް ރާއީ ދައުވަތު ދެއްވައިފި
21 އޮކްޓޯބަރު 2020 | ބުދަ 05:27ރާއީ ވިދާޅުވީ މިނިސްޓަރުގެ މަސައްކަތް ބަލައިގަންނަ ކަމަށް
މެމްބަރު ރާއީ ހޯމް މިނިސްޓަރާއި އެކު ބޭއްވި ބައްދަލުވުމުގެ ތެރެއިން
ހޯމް މިނިސްޓަރ އައް ޝެއިހް އިމްރާން އަބްދުﷲ ސަރުކާރު ކޯލިޝަންގެ މައިޕާޓީ އެމްޑީޕީއާއި ގުޅިވަޑައިގަތުމަށް މަކުނުދޫ ދާއިރާގެ މެމްބަރު މުހައްމަދު ރާއީ ދައުވަތު ދެއްވައިފިއެވެ.
ބުދަ ދުވަހުގެ މަޖިލީހުގެ ޖަލްސާގައި ވާހަކަ ދައްކަވަމުން މެމްބަރު ވިދާޅުވީ މިނިސްޓަރ އިމްރާން ކުރައްވާ މަސައްކަތްތައް ބަލައިގަންނަ ކަމަށެވެ.
އެގޮތުން މިނިސްޓަރުގެ މަސައްކަތް ބައްޓަންކޮށްފައިވަނީ، ހޯމް މިނިސްޓަރ ނިސްބަތްވާ އަދާލަތު ޕާޓީގެ ސިޔާސަތުތަކަށް ވުރެ ބޮޑަށް އެމްޑީޕީގެ ސިޔާސަތުތަކުގެ މައްޗަށް ކަމަށެ އެވެ. އޭނާ ވަނީ އެމްޑީޕީއާއި ގުޅިވަޑައިގަތުމަށް ވަޒީރަށް ދައުވަތު ދެއްވާފައެވެ.
މިހެން ވިދާޅުވުމުން މިނިސްޓަރ ވަނީ ކޯލިޝަންގައި ހިމެނޭ ހުރިހާ ޕާޓީތަކެއް މަސައްކަތް ކުރަމުންދަނީ އެއް އަމާޒަކަށް ކަމަށާއި މަސައްކަތްކުރައްވަނީ ނިސްބަތްވާ ޕާޓީގެ މެނިފެސްޓޯއާއި ސަރުކާރުގެ މެނިފެސްޓޯ އަކީ އެކައްޗެއްކަމަށް ވިސްނައިގެން ކަމަށެވެ.
ހޯމް މިނިސްޓަރ އިމްރާން ނިސްބަތްވަނީ ސަރުކާރު ކޯލިޝަންގައި ހިމެނޭ އަދާލަތު ޕާޓީއަށެވެ. އޭނާ އަކީ އެ ޕާޓީގެ ރައީސް ވެސް މެއެވެ.
