އެވެޓަރ 3 ގެ ޝޫޓިންގ ނިމުމަކާ ގާތަށް

2009 ވަނަ އަހަރު ނިކުތް ސައިންސް ފިކްޝަން ފިލްމު އެވެޓަރ ސީރިޒްގެ 2 ވަނަ ބައި އެއްކޮށް ޝޫޓްކޮށް ނިމި 3 ވަނަ ބައިގެ 95 އިންސައްތަ ޝޫޓްކޮށް ނިމިފައިވާ ކަމަށް އެ ފިލްމު ޑައިރެކްޓަރު ޖޭމްސް ކެމެރޮން ބުނެފިއެވެ.

މިކަން އޭނާ ހާމަކޮށްފައިވަނީ އޮސްޓްރޭލިއަން ވަރލްޑް ސަމިޓް އެންވަޔަރަމެންޓަލް ކޮންފަރެންސްގެ ކުރީން އާނޯޑް ޝުވަޒެންގާއެކު ވީޑިއޯ ކޯލް މެދުވެރިކޮށް ދިން އިންޓަރވިއު އެއްގައެވެ.

އޮގަސްޓް 2017 ގައި ކެލިފޯނިއާގައި މަސައްކަތް ފެށި އެހެންނަމަވެސް މިހާރު ނިއުޒިލެންޑްގައި މަސައްކަތްތައް ކުރިޔަށް ދާ މި ފިލްމަށް ކޮވިޑް 19ގެ ސަބަބުން ދިމާވެފައިވާ ގޮންޖެހުންތަކާ ބެހޭގޮތުން ވާހަކަ ދައްކަމުން ކެމެރޮން ބުނީ މި ނުރައްކާތެރި ކޮރޯނާވައިރަސް ގެ ދުވަސްވަރުގައި ނިއުޒިލޭންޑް ހިޔާރު ކުރެވުނީތީ އޭނަ އާއި އޭނަގެ ކްރޫ ވަރަށް ނަސީބު ރަނގަޅު ކަމަށެވެ.

މީގެ ކުރީން ކެމެރޮންގެ ޓާމިނޭޓަރ، ޓާމިނޭޓަރ 2 އަދި ޓްރޫ ލައިސް ފަދަ ފިލަމްތައް ކުޅެފައިވާ އާނޯޑްއާ ވާހަކަ ދައްކަމުން ކެމެރޮން ބުނެފައިވެއެވެ.

ރިލީޒް ކުރާނެ ތާރީހް އެކި ސަބަބުތަކާއި ހުރެ 8 ފަހަރެއްގެ މަތިން ބަދަލު ކުރެވިގެންދިޔަ އެވެޓާ 2 މިހާރު ރިލީޒް ކުރުމަށް ހަމަޖެހިފައިވަނީ 2020 ވަނަ އަހަރު ޑިސެންބަރު މަހު 16 ވަނަ ދުވަހުއެވެ. އަދި 3 ރިލީޒް ކުރުމަށް ހަމަޖެހިފައިވަނީ 2024 ވަނަ އަހަރު ޑިސެންބަރު މަހު 20 ވަނަ ދުވަހުއެވެ. އެވެޓާ 2 އަދި 3 ބޮކްސް އޮފީހުގައި ރަނގަޅު އާންމުދަނީއެއް ހޯދައިފިނަމަ އެވެޓާ 4 އަދި 5 ވެސް އުފެއްދުމުގެ ވިސްނުން އެބަހުރި ކަމަށް ކެމެރޮން ބުނެފައިވެއެވެ.

2009 ވަނަ އަހަރު 237 މިލިއަން ޑޮލަރުގެ ބަޖެޓަކާއިއެކު ރިލީޒް ކުރި އެވެޓާގެ އޮރޮޖިނަލް ފިލްމް 2.79 ބިލިއަން ޑޮލަރު ހޯދައިގެން ދުނިޔޭގެ އެންމެ ގިނަ އާންމުދަނީއެއް ހޯދި ފިލްމްގެ މަގާމް ވަނީ ހޯދާފައެވެ. އެހެންނަމަވެސް މި ރިކޯޑް މުގުރާލީ މިދިޔަ އަހަރު ރިލީޒް ކުރި ފިލްމް އެވެންޖާސް އެންޑް ގޭމްއިންނެވެ.