ރާއްޖެ
ކޮވިޑް-19 އެންމެ ފަހުގެ މައުލޫމާތު
މިއަދު ޕޮޒިޓިވްވީ 85 މީހުން، ބަލިން ފަސޭހަވީ 193 މީހުން
46 ދިވެހިން ވަނީ ޕޮޒިޓިވް ވެފައި
އަޒްލިފާ އަބްދުﷲ, ރާއްޖެ އެމްވީ | 15 ސެޕްޓެމްބަރު 2020 | އަންގާރަ 17:22
ކޮވިޑް-19 އަށް ސާމްޕަލް ނަގަނީ
ކޮވިޑް -19 އަށް އިތުުރު 85 މީހަކު ޕޮޒިޓިވް ވެއްޖެ އެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ކޮށްފައިވާ ޓްވީޓްގައި ވާގޮތުން އަންގާރަ ދުވަހު ޕޮޒިޓިވް ވެފައިވަނީ 46 ދިވެހިންނާއި 39 ބިދޭސީންނެވެ.
މާލޭ ސަރަހައްދުން 82 މީހަކު ކޮވިޑް-19 އަށް ޕޮޒިޓިވް ވެފައިވާ އިރު އަތޮޅުތެރެއިން ޕޮޒިޓިވް ވެފައިވަނީ 3 މީހުންނެވެ.
އެޗްޕީއޭއިން ހާމަކޮށްފައިވާ ގޮތުން އަންގާރަ ދުވަހު ބަލިން ފަސޭހަވެފައިވަނީ 193 މީހުންނެވެ.
އެކްޓިވް ކޭސްގެ ގޮތުގައި 1560 ކޭސް އެއް ރިޕޯޓްކޮށްފައިވާއިރު މިހާތަނަށް ބަލިން ރނގަޅުވި މީހުންގެ އަދަދު ވަނީ 7729 އަށް އަރާފައެވެ.
މިހާތަނަށް ރާއްޖެއިން ކޮވިޑް-19 އަށް ޕޮޒިޓިވް ވެފައިވަނީ 9328 މީހުންނެވެ.
މަރުވި މީހުންގެ އަދަދު ވަނީ 33 އަށް އަރާފައެވެ.
