އަންނަ ހަފުތާގައި އައިފޯން 12 ލޯންޗުކުރަނީބާ؟
އެޕަލް ކުންފުނިން އާމުގޮތެއްގައި ކޮންމެ ސެޕްޓެމްބަރުމަހެއްގައި ނެރެނީ އައިފޯން
އައިފޯން 12 ގެ ޑިޒައިން ކަމަށް ބުނެ ދައުރުވަމުންދާ ރެންޑަރިންގއެއް
ކެތްމަދުވެފައި ތިބި އެޕަލް ފޭނުންގެ އައު ފޯނަކަށް ކުރާ އިންތިޒާރަށް ނިމުމެއް އައިސްދާނެ ކަހަލަ ޓްވީޓެއް އެޕަލް ކުންފުނިން ކޮށްފިއެވެ.
"ޓައިމް ފްލައިސް" ގެ ނަމުގައި ހާއްސަ އިވެންޓެއް ބާއްވާނެކަން އެ ކުންފުނިން އިއުލާންކޮށްފައިވާއިރު، މި އިވެންޓުގައި އައިފޯންގެ އެންމެ ފަހުގެ މޮޑެލް އާންމުންނަށް ދައްކާލާނެ ކަމަށް ބައެއް ފަރާތްތަކުން ވަނީ ބުނެފައެވެ. ނަމަވެސް، އެޕަލްއިން މި ވާހަކަތައް ކަށަވަރުކޮށްދީފައެއް ނުވެއެވެ.
އެހެން އަހަރުތަކާ ހިލާފަށް މި އަހަރުގެ އިވެންޓް ކުރިއަށް ގެންދަން ހަމަޖެހިފައިވަނީ އޮންލައިންކޮށެވެ. މި އިވެންޓް ކުރިން ބާއްވަމުން އައި ކެލިފޯނިއާގައި ހުންނަ އެޕަލް ކުންފުނީގެ ހެޑްކުއާޓަރުގައެވެ.
މި ހާއްސަ އިވެންޓްގައި އައިފޯން 12 ލޯންޗުކުރާނެކަމަށް ލަފާކުރެވުނުނަމަވެސް، ފޯން ގަންނަން ބޭނުންވާ ފަރާތްތަކަށް ފޯން ލިބެން ދުވަސްތަކެއް ނަގާފާނެކަމުގައި ރިޕޯޓްތައް ބުނެއެވެ. މީގެ ކުރިން އެޕަލްއިން ވެސް ވަނީ ސެޕްޓެމްބަރު މަހުގެ ތެރޭގައި ކަސްޓަމަރުންނަށް ފޯނު ޑެލިވަރ ނުކުރެވިދާނެ ކަމަށް ބުނެފައެވެ.
