އަރްޖުންގެ ލޯބިވެރިޔާ މަލައިކާ ވެސް ކޮވިޑަށް ޕޮޒިޓިވް
އަރުޖުން ޕޮޒިޓިވްވިކަން ހާމަ ކުރީ އާދިއްތަ ދުވަހު
ލައިކާ އަރޯރާ
ބޮލީވުޑްގެ މަޝްހޫރު ތަރި މަލައިކާ އަރޯރާ ވެސް ކޮވިޑް-19 އަށް ޕޮޒިޓިވްވެއްޖެއެވެ.
މަލައިކާ ކޮވިޑަށް ޕޮޒިޓިވްވި ކަން ހާމަ ކޮށްފައި މިވަނީ އޭނާގެ ލޯބިވެރިޔާ އަރްޖުން ކަޕޫރު ކޮވިޑަށް ޕޮޒިޓިވްވިކަން ހާމަ ކުރިތާ ކުޑަ ވަގުތުކޮޅެއްގެ ތެރޭގައެވެ.
މަލައިކާ ޕޮޒިޓިވްވި ކަން އޭނާގެ ކޮއްކޮ އަމްރީތާ އަރޯރާ ވަނީ ޓައިމްސް އޮފް އިންޑިއާ އަށް ކަށަވަރު ކޮށްދީފައެވެ.
އަރްޖުން ކޮވިޑަށް ޕޮޒިޓިވްވިކަން ހާމަކޮށްފައިވަނީ އޭނާގެ އިންސްޓަގްރާމްގައި އާދިއްތަ ދުވަހު ހިއްސާ ކޮށްފައިވާ ޕޯސްޓެއްގައެެވެ.
އެ ޕޯސްޓުގައި އޭނާ ބުނެފައިވަނީ ބަލީގެ އެއްވެސް ކަހަލަ އަލާމާތްތަކެއް ފެނިފައި ނުވާ ކަމަށާއި، ޑޮކްޓަރުންގެ ލަފާގެ މަތިން ހޯމް ކަރަންޓީންގައި އޭނާ މިހާރު ހުރި ކަމަށެވެ.
އަދި އޭނާގެ ފޭނުން ދެމުންގެންދާ ސަޕޯޓަށް ނިހާޔަތައް ޝުކުރު އަދާކޮށް، އަރްޖުން ބުނެފައިވަނީ ކުރިއަށް މި އޮތް ދުވަސްތަކުގައި އޭނާގެ ސިއްހަތައް އަންނަމުންދާ ބަދަލުތައް ފޭނުންނާއި ހިއްސާ ކުރަމުންދާނެ ކަމަށެވެ.
