ޗައިނާގެ ޝަންޒީ ޕްރޮވިސްގެ ރެސްޓޯރަންޓެއް ވެއްޓި 29 މީހުން މަރުވެއްޖެ
30 އޯގަސްޓު 2020 | އާދީއްތަ 09:3421 މީހަކަށް ސީރިއެސް އަނިޔާތަކެއް ލިބިފައިވޭ
ޗައިނާގެ ޝަންޒީ ޕްރޮވިސްގެ ރެސްޓައުރެންޓެއް ވެއްޓި ގިނަ ބަޔަކަށް އަނިޔާވެފައިވޭ
ޗައިނާގެ ޝަންޒީ ޕްރޮވިސްގެ ރެސްޓޯރަންޓެއް ވެއްޓި 29 މީހުން މަރުވެއްޖެއެވެ.
ބޭރުގެ މީޑިއާތަކުގައި ރިޕޯޓު ކޮށްފައިވާ ގޮތުގައި މިރެސްޓޯރަންޓް ވެއްޓި 29 މީހުން މަރުވެފައިވެއެވެ.
މި އިމާރާތް ވެއްޓިފައިވަނީ ހޮނިހިރު ދުވަހުގެ ހެނދުނު 9:40 ހާއިރުއެވެ.
ދެބުރިއަށް ނަގާފައިވާ މިއިމާރާތް ވެއްޓުނީ އަވަށެއްގެ ބަޔަކު އުފަން ދުވަހުގެ ޕާޓީއެއް އެތަނުގައި ބާއްވަމުން ދަނިކޮށްށެވެ.
މިހާދިސާގައި 57 މީހަކު އިމާރާތުގެ ދަށުން ސަލާމަތްކޮށްފައިވެއެވެ. އަދި 21 މީހަކަށް ސީރިއެސް އަނިޔާތަކެއް ލިބިފައިވާއިރު، އެމީހުންނަށް ހޮސްޕިޓަލުގައި ދަނީ ފަރުވާ ދެމުންނެވެ.
ޝަންޒީ ޕްރޮވިސްގެ އެމެޖެންސީ މެނޭޖްމެންޓް މިނިސްޓްރީން ބުނީ މިއިމާރާތް ވެއްޓުނު ސަބަބު ހޯދުމަށް ޚާއްސަ އިންވިސްޓިގޭޝަނެއް ކުރިއަށް ގެންދާނެ ކަމަށެވެ. އެގޮތުން އިމާރާތް ކޮށްފައިވާ ގޮތް ވެސް ތަހުގީގު ކުރާނެ ކަމަށް ވަނީ ބުނެފައެވެ.
