ރާއްޖެއިން ކޮވިޑް-19ށް އިތުރު 145 މީހުން ޕޮޒިޓިވްވެއްޖެއެވެ.

ހެލްތް ޕްރޮޓެކްޝަން އެޖެންސީ (އެޗްޕީއޭ)އިން ބުނީ ބުރާސްފަތި ދުވަހުގެ އިރުއޮއްސި 6:00 ގެ ނިޔަލަށް 145 މީހަކު ޕޮޒިޓިވްވެފައިވާ ކަމަށެވެ. މީގެ ތެރޭގައި 123 ދިވެހިން ހިމެނޭއިރު، 142 މީހުން ޕޮޒިޓިވްވެފައިވަނީ މާލެސިޓީން ކަމަށް އެޗްޕީއޭއިން ބުނެއެވެ.

އެޗްޕީއޭއިން ބުނީ 11 ބަގްލަދޭޝް މީހުންނާއި، އިންޑިއާގެ 3 މީހުންނާއި، ސްރީލަންކާގެ 5 މީހުންގެ އިތުރުން ނޭފާލް، ޖަޕާން އަދި ޖޯޑަންއަށް ނިސްބަވްވާ އެކަކު ޕޮޒިޓިވްވެފައިވާ ކަމަށެވެ.

2431 އެކްޓިވް ކޭސްގެ ގޮތުގައި ރިޕޯޓުކޮށްފައިވާއިރު، އައިސޮލޭޝަން ފެސިލިޓީތަކުގައި 1355 މީހަކު ދަނީ ފަރުވާ ހޯދަމުންދާ ކަމަށް އެޗްޕީއޭއިން ބުނެއެވެ. އަދި 161 މީހަކަށް ހޮސްޕިޓަލްގައި ދަނީ ފަރުވާ ދެމުންނެވެ.

ރާއްޖެއިން މިހާތަނަށް 6370 މީހަކަށް ކޮވިޑް-19 ޖެހިފައިވާއިރު، ބަލިން ރަނގަޅުވެފައިވަނީ 3915 މީހުންނެވެ. އަދި މި ވައިރަސްގައި 24 މީހަކު ވަނީ ނިޔާވެފައެވެ. ނިޔާވި މީހުންގެ ތެރޭގައި ގިނައީ ދިވެހިންނެވެ. އެގޮތުން 18 ދިވެހިންނާއި، 6 ބިދޭސީން ހިމެނެއެވެ.