ޒީނާ ބްރޯޑްކޮމް އިން ވަކިކުރުމުގެ މައްސަލަ ކޮމިޓީއަށް ފޮނުވަން ނިންމައިފި
ޒީނާ މަގާމުން ވަކި ކުރުމަށް މިނިވަން މުއައްސަސާތަކުގެ ކޮމިޓިއިން އޯގަސްޓް 10ގައި ވަނީ ނިންމާފައި
މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް)ގެ މެންބަރު ޒީނާ ޒާހިރު
މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް)ގެ މެންބަރު ޒީނާ ޒާހިރު މެމްބަރުކަމުން ވަކި ކުރުމުގެ މަސައްކަތް ފަށައި މަޖިލީހުގެ މިނިވަން މުއައްސަސާތަކުގެ ކޮމިޓީއަށް ފޮނުވައިފިއެވެ.
ޒީނާ މަގާމުން ވަކި ކުރުމަށް މިނިވަން މުއައްސަސާތަކުގެ ކޮމިޓިއިން އޯގަސްޓް 10ގައި ނިންމާފައިވާއިރު، ރައްޔިތުންގެ މަޖިލީހުގެ ގަވާއިދުގައި ވާ ގޮތުން އެ މަސައްކަތް ކޮމެޓީއަކަށް ފެށޭނީ މަޖިލީހުގެ ޖަލްސާއެއްގައި މަޖިލީހުގެ ރައީސް އެކަން އިއުލާން ކުރެއްވުމަށް ފަހުގައެވެ. އެގޮތުން ހޯމަ ދުވަހުގެ ޖަލްސާގައި ޒީނާ ވަކި ކުރުމުގެ މައްސަލަ ރިޔާސަތުން ޖަލްސާގައި އިއުލާންކޮށް، މިނިވަން މުއައްސަސާތަކާ ބެހޭ ކޮމެޓީއަށް ފޮނުވައިފައެވެ.
ޒިނާ މެމްބަރުކަމުން ވަކި ކުރުމުގެ މަސައްކަތް ކުރިޔަށްދާއިރު ރައްޔިތުންގެ މަޖިލީހުގެ މިނިވަން މުއައްސަސާތަކާއި ބެހޭ ކޮމިޓީން ދަނީ މީޑިއާ ކައުންސިލާއި ބްރޯޑްކާސްޓިންގ ކޮމިޝަން އެއްކޮށްލުމަށް މަޝްވަރާކުރަމުންނެވެ.
