ކ. މާލެ
|
15 އޯގަސްޓް 2020 | ހޮނިހިރު 12:52
ބްރިޖްގެ ސަރވޭ ހަދަން އައި އެމްބަރޖެކް ބޯޓް މާލެގައި ބަނދަރު ކޮށްފައި
ބްރިޖްގެ ސަރވޭ ހަދަން އައި އެމްބަރޖެކް ބޯޓް މާލެގައި ބަނދަރު ކޮށްފައި
ރާއްޖެއެމްވީ
ގްރޭޓަރ މާލޭ ކަނެކްޓިވިޓީ ޕްރޮޖެކްޓް
ބްރިޖްގެ އަމަލީ މަސައްކަތް އަންނަ އަހަރު ކުރީކޮޅު ފެށޭނެ: މިނިސްޓަރު ފައްޔާޒު
 
ދައުރުގައި މަޝްރޫއުތައް ނިންމުމަށްވުރެ ރަނގަޅަށް ކަންކަން ކުރުމަށް އިސްކަންދޭ
 
ޖެނުއަރީ ނުވަތަ ފެބްރުއަރީގައި އަމަލީ މަސައްކަތް ފަށާނެ
 
ސަރވޭ މަސައްކަތްތައް ކުރިއަށްދޭ

މާލެ، ވިލިމާލެ، ގުޅީފަޅު އަދި ތިލަފުށި ގުޅުވައިދައިވޭ ބްރިޖުގެ އަމަލީ މަސައްކަތް އަންނަ އަހަރުގެ ކުރީކޮޅު ފެށޭނެ ކަމަށް އިކޮނޮމިކް މިނިސްޓަރު ފައްޔާޒު އިސްމާއިލް ވިދާޅުވެއްޖެއެވެ.

ބްރިޖުގެ މަސައްކަތް ފެށުމަށް ކުރަންޖެހޭ މަސައްކަތްތައް މިހާރު ކުރަމުންދާއިރު، ސަރވޭގެ މަސައްކަތް ބާރު ސްޕީޑްގައި ކުރިއަށްދާ ކަމަށް ސަރުކާރުން ބުނެފައިވެއެވެ.

ބްރިޖުގެ މަޝްރޫއާ ގުޅޭ ގޮތުން ރާއްޖެޓީވީގެ ފަލަސުރުހީ ޕްރޮގްރާމްގައި ވާހަކަދައްކަވަމުން މިނިސްޓަރު ފައްޔާޒު ވިދާޅުވީ އެއީ މިސަރުކާރުގެ އެންމެ ބޮޑު އެއްމަޝްރޫއު ކަމަށާއި، މަޝްރޫއާއެކު އިގްތިސާދަށް ވަރަށް ބޮޑު ފައިދާއެއް ކުރާނެ ކަމަށެވެ. އަދި އަންނަ އަހަރުގެ ކުރީކޮޅު، ޖެނުއަރީ ނުވަތަ ފެބްރުއަރީ ހިސާބުގައި ބްރިޖްގެ އަމަލީ މަސައްކަތްތައް ފެށޭނެ ކަމަށް އުންމީދު ކުރާ ކަމަށެވެ.

ތަރައްގީއަށް ހިންގާ ހުރިހާ މަޝްރޫއެއް ވެސް އެންމެ ރަނގަޅު ގޮތުގައި ކުރިއަށް ގެންދިއުމަށް މި ސަރުކާރުން ޚާއްސަ ސަމާލުކަމެއް ދެއްވާކަން ފާހަގަކުރައްވައި މިނިސްޓަރު ފައްޔާޒު ވިދާޅުވީ ދައުރުގައި މަޝްރޫއުތައް ނިންމުމަށްވުރެ ބޮޑަށް ސަރުކާރުން މަސައްކަތް ކުރަނީ ކަންކަން ރަނގަޅު ގޮތުގައި ކުރުމަށް ކަމަށެވެ.

އެކަމަކު އަޅުގަނޑުމެންގެ ވެސް އުންމިދަކީ އަޅުގަނޑުމެން މިކުރި މަސައްކަތް އަޅުގަނޑުމެންގެ ދައުރުގެ ތެރޭގައި ފެންނުން ރައްޔިތުންނަށް. އޭރުންތާ އަޅުގަނޑުމެންނަކީ ސިޔާސީ މީހުން. ސިޔާސީ މީހުން ކަމަށްވަންޏާ އަޅުގަނޑުމެން ބޭނުންވާނެ އަޅުގަނޑުމެން ކުރާ ކަންކަން ދިވެހި ރައްޔިތުންނަށް ރަނގަޅު ކަންކަން ފެންނަން. ފެނިގެން އެކަންކަމުގެ މަންފާ ލިބިގެން ރައްޔިތުންނަށް އޭގެ ފައިދާ ކުރާނީ. އެހެންވީމަ އަޅުގަނޑުމެން އިރާދަކުރެއްވިއްޔާ ޕޯޓު ވެސް ބްރިޖު ވެސް އިރާދަކުރެއްވިއްޔާ ގިނަވަގެން ދެއަހަރު ނުވަތަ ތިން އަހަރު ދުވަހުގެ ތެރޭގައި ރައްޔިތުންނަށް އޭގެ ޚިދުމަތް ލިބިގެންދާނެ. މިއަހަރު ފަހުކޮޅު ޕޯޓުގެ ކޮންޓްރެކްޓް ވޯޑް ކޮށް ނިމޭނެ. މިހާރު ވެސް އޭގެ މަސައްކަތްތައް އެބަ ކުރިއަށްދޭ. އެގްޒިމްބޭންކްއާއެކު.
އިކޮނޮމިކް މިނިސްޓަރު ފައްޔާޒު އިސްމާއިލް

މާލެ، ވިލިމާލެ، ގުޅީފަޅު އަދި ތިލަފުށި ގުޅުވައިދައިވޭ ބްރިޖުގެ އަމަލީ މަސައްކަތް އަންނަ އަހަރު ފެށޭނެ ކަމަށް މިނިސްޓަރު ފައްޔާޒު ވިދާޅުވެފައިވާއިރު، މިމަޝްރޫޢަށް ގާތްގަނޑަކަށް 7.6 ބިލިއަން ރުފިޔާ (448 މިލިއަން ރުފިޔާ) ޚަރަދުވާނެ ކަމަށް ސަރުކާރުން ލަފާކޮށްފައިވެއެވެ.

މި މަޝްރޫއު ކުރިއަށް ގެންދިޔުމަށް 500 މިލިއަން ޑޮލަރުގެ ލޯނާއި އެހީގެ ޕެކޭޖެއް ދިނުމަށް އިންޑިއާ ސަރުކާރުން ވަނީ ނިންމާފައެވެ. އޭގެ ތެރެއިން 400 މިލިއަން ޑޮލަރަކީ ލައިން އޮފް ކްރެޑިޓް (އެލްއޯސީ) އުސޫލުން ދޫކުރާ ފައިސާއެވެ. ބާކީ 100 މިލިއަން ޑޮލަރަކީ އިންޑިއާ ސަރުކާރުން ރާއްޖެއަށް ހިލޭ އެހީގެ ގޮތުގައި ދިނުމަށް ނިންމާފައިވާ ފައިސާއެވެ.

"ގްރޭޓަ މާލެ ކަނެކްޓިވިޓީ ޕްރޮޖެކްޓް" ގެ ނަމުގައި ސަރުކާރުން ހިންގާ މަޝްރޫއުގެ ދަށުން މާލެ، ވިލިގިލި، ތިލަފުށި ގުޅާޅުމަށް 6.6 ކިލޯމީޓަރުގެ ބްރިޖާއި ކޯޒްވޭ ހަދާނެއެވެ. މި މަޝްރޫއު ވެގެންދާނީ ރާއްޖޭގެ ތާރީހުގައި ހިިންގޭ އެންމެ ބޮޑު އުމްރާނީ ތަރައްގީގެ މަޝްރޫއަށެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: އަމަން ހަލީމް
0%
70%
0%
0%
20%
10%
ކޮމެންޓް