ސިޔާސީ ހައްދުފަހަނައެޅުން ހުއްޓުވަން ޖެހޭ: ޝައިހް އިލްޔާސް
3 ބާރު ވަކިކޮށް ނިޒާމް އެކުލަވާލާ ކޮންމެ ބާރެއްގެ މިންތަކާއި އިންތައް ކަނޑައަޅާފައިވޭ
ޝައިހް އިލްޔާސް އެމްޑީޕީން ބޭއްވި ކޭޕްމޭން ނިންމާލުމުގެ ކުރިން ވާހަކަ ދައްކަވަނީ
މަޖިލީހުން ކަންކަން ބަލަމުންދާ މައްސަލައިގައި ފާޑުވިދާޅުވެ ސިޔާސީ ހައްދުފަހަނައެޅުން ހުއްޓުވަންޖެހޭ ކަމަށް ޝައިހް ޝައިހް އިލްޔާސް ހުސައިން ވިދާޅުވެއްޖެއެވެ.
އިލްޔާސް މިހެން ވިދާޅުވެފައިވަނީ މި ފަހަކަށް އައިސް ފެންމަތިވާ ބޮޑެތި ބައެއް މައްސަލަތައް މަޖިލީހުގެ ކޮމިޓީތަކުން ބަލަމުން ގެންދާތީއެވެ. ރައްޔިތުންގެ މަޖިލީހުގެ ރައްޔިތުންގެ މަޖިލީހުގެ ޤައުމީ ސަލާމަތާއި ޚާރިޖީ ގުޅުންތަކުގެ ކޮމިޓީން ބަލަން ނިންމާފައިވެއެވެ. މީގެ އިތުރުން، ދާދި ފަހުން ހިނގައިދިޔަ ސަފާރީ ކޭސް ވެސް މަޖިލީހުގެ ކޮމިޓީން އަންނަނީ ބަލަމުންނެވެ.
އިލްޔާސް ކުރެއްވި ޓްވީޓެއްގައި ވިދާޅުވީ ތިން ބާރު ވަކިކޮށް ނިޒާމް އެކުލަވާލާ ކޮންމެ ބާރެއްގެ މިންތަކާއި އިންތައް ކަނޑައަޅާފައިވަނިކޮށް، މަޖިލީހުން ޖިނާއީ ތަހުގީގު ހިންގާ، ސަރުކާރުގެ ވުޒާރާތަކަށް ހިންގުމުގެ އަމުރު ކުރާ ހިސާބަށް ދިއުމަކީ ހައްދު ފަހަނައަޅައި ދިއުން ކަމަށެވެ. އަދި ސިޔާސީ ހައްދުފަހަނައެޅުން ހުއްޓުވަން ޖެހޭ ކަމަށް ވިދާޅުވިއެވެ.
ފަހަކަށް އައިސް މަޖިލީހުން ގިނަ މައްސަލަތަކެއް ބަލަމުން އަންނާތީ އާންމުންނާއި ސިޔާސީ ފަރާތްތަކުން އަންނަނީ މަޖިލީހަށް ފާޑު ކިޔަމުންނެވެ. މަޖިލީހުގެ ކޮމިޓީތަކުން ބަލަމުން އަންނަ މައްސަލަތަކުގެ ތެރޭގައި އެފްއޭއެމްގެ މައްސަލައާއި، ސަފާރީ ކޭސް މައްސަލަ އަދި ބޮޑުފިނޮޅު ހަމަނުޖެހުމުގެ މައްސަލަވެސް ވަނީ ހުށަހަޅާފައެވެ.
މަޖިލީހުން ކުރަމުންދާ މަސައްކަތްތަކާއި ގުޅިގެން، ރައީސް އިބްރާހިމް މުހައްމަދު ސޯލިހުއާ ސުވާލުކުރެއްވުމުން ވިދާޅުވެފައިވަނީ، ކަނޑައެޅިފައިވާ އިމުން ބޭރުން މަޖިލީހުން އެއްވެސް ކަމެއް ކޮށްފާނެ ކަމަށް ގަބޫލު ނުކުރައްވާ ކަމަށެވެ.
