އެމްޓީސީސީގެ ދެ ޑިރެކްޓަރަކު ވަޒީފާއިން ވަކިކޮށްފި
ވަޒީފާއިން ވަކިކުރީ ޗީފް ފައިނޭންސް އޮފިސަރު މަގާމުގައި ހުންނެވި މުހަންމަދު ހިލްމީ
މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮންޕެނީގެ ހެޑް އޮފީސް
މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ)ގެ ދެ ޑިރެކްޓަރުން ވަޒީފާއިން ވަކިކޮށްފި އެވެ.
އެމްޓީސީސީގެ މެނޭޖިން ޑިރެކްޓަރު އާދަމް އާޒިމް ވިދާޅުވީ އެމްޓީސީސީގެ ޗީފް ފައިނޭންސް އޮފިސަރު މަގާމުގައި ހުންނެވި މުހަންމަދު ހިލްމީ އާއި ޖެނެރަލް މެނޭޖަރު (ޓްރޭޑް) އިސްމާއިލް އަދުހަމް ވަޒީފާއިން ވަކިކުރުމަށް ބުދަ ނިންމާފައިވާ ކަމަށެވެ.
ވަޒީފާއިން ވަކިކުރުމަށް ނިންމީ އޮޑިޓް ރިޕޯޓްގައި ގޯހުން ކަންތައްތަކެއް ކޮށްފައިވާ ކަމަށް ފާހަގަކޮށްފައި އޮތުމުން ކަމަށް ވެސް އާޒިމް ވިދާޅުވިއެވެ. އެގޮތުން މިހާރު ޑިރެކްޓަރުންގެ ބޯޑަށް ބަދަލު ގެނެވިފައިވާ ކަމަށް އެމްޓީސީސީން ބުނެއެވެ.
މިނިންމުމާއެކު ކުންފުނީގެ ހިއްސާދާރުންނަށް މިހާރު އެކަން ވަނީ އަންގާފައެވެ.
