ކ. މާލެ
|
5 ޖޫން 2020 | ހުކުރު 15:23
ޕްރޮސެކިއުޓަރ ޖެނެރަލް ހުސައިން ޝަމީމް- ޕީޖީ ވިދާޅުވީ، އެމްއެމްޕީއާރްސީ މައްސަލަ ބެއްލެވުމުގައި ތަފާތު ނުގެންގުޅުއްވާނޭ ކަމަށް
ޕްރޮސެކިއުޓަރ ޖެނެރަލް ހުސައިން ޝަމީމް- ޕީޖީ ވިދާޅުވީ، އެމްއެމްޕީއާރްސީ މައްސަލަ ބެއްލެވުމުގައި ތަފާތު ނުގެންގުޅުއްވާނޭ ކަމަށް
ރާއްޖެއެމްވީ
އެމްއެމްޕީއާރްސީ ހިޔާނާތުގެ މައްސަލަ
"އެމްއެމްޕީއާރްސީގެ ދައުވާ ބިނާވާނީ ހެކި ޤަރީނާގެ މައްޗަށް، ވަކި މީހަކަށްވީތީ ދައުވާ އަވަސްކުރުމެއް ނޯންނާނެ"
 
ހިޔާނާތުގައި ދެނެގަނެވިފައިވާ 260 މީހުންގެ މައްޗަށް އެއްފަހަރާ ވެސް ދައުވާ ކުރެވިދާނެ
 
ޅި މައްސަލައިގައި އެކި ގޮތްގޮތުން ޝާމިލުވެފައި ތިބި މީހުންގެ އަދަދު ސާފުވެއްޖެ ކަމަށް ހޯމް މިނިސްޓްރީން ބުނޭ
 
އެމްއެމްޕީއާރްސީގެ ހިޔާނާތުގެ މައްސަލައިގެ ތަހުޤީޤަށް ގިނަ ދުވަސްތަކެއް ވެފައިވޭ

އެމްއެމްޕީއާރްސީގެ ހިޔާނާތުގެ މައްސަލައިގައި ވަކި މީހަކަށް ވީތީ ދައުވާ އަވަސް ކުރުމެއް ނޯންނާނެ ކަމަށް ޕްރޮސެކިއުޓަރ ޖެނެރަލް ހުސައިން ޝަމީމް ވިދާޅުވެއްޖެއެވެ.

އެމްއެމްޕީއާރްސީ ޚިޔާނާތުގައި ހިމެނޭ މީހުންގެ މައްސަލަ ބަލާނެ ތަރުތީބެއް އެކުލަވާލައި، ހުރިހާ އިދާރާއަކުން އެކަމުގައި އެއްބަސްވުމަކަށް އާދެވިފައި ވާކަމަށް ހޯމް މިނިސްޓަރ ވިދާޅުވެފައި ވާއިރު، އެކަމާ ގުޅިގެން "ރާއްޖެއެމްވީ"އަށް މައުލޫމާތު ދެއްވަމުން ޕިޖީ ހުސައިން ޝަމީމް ވިދާޅުވީ، މައްސަލަތަކުގައި ދައުވާ ކުރުމާމެދު ގޮތް ނިންމާނީ ޕީޖީ އޮފީހުން ކަމަށެވެ. އެގޮތުން ދައުވާކުރާއިރު ވަކި މީހެއްގެ މައްސަލައެއް އަވަސް ކުރުން/ލަސް ކުރުމުގެ ވިސްނުމެއް ނުގެންގުޅުއްވާކަމަށް ޕީޖީ ވިދާޅުވިއެވެ.

ޕީޖީ ވިދާޅުވީ، ތަހުޤީޤު ނިމި، އެކަށީގެންވާ ހެކި ޤަރީނާ ލިބެމުންދާ ވަރަކަށް މައްސަލަތަކުގައި ދައުވާ ކުރައްވަމުން ގެންދަވާނެ ކަމަށެވެ. އަދި އެކަށީގެންވާ ހެކި ހުރިނަމަ އެމްއެމްޕީއާރްސީ ހިޔާނާތުގައި ދެނެގަނެވިފައިވާ 260 މީހުންގެ މައްޗަށް އެއްފަހަރާ ދައުވާ ކުރުމުގެ ޤާބިލުކަންވެސް ހުރިކަން ޕީޖީ ފާހަގަ ކުރެއްވިއެވެ.

އޭގެ އިތުރުން، މި މަސައްކަތުގައި ފުލުހުންނާއި، އޭސީސީގެ އިތުރުން، ރިޔާސީ ކޮމިޝަނާ ގުޅިގެން ބުރަ މަސައްކަތްތަކެއް ކުރަމުންދާކަން ފާހަގަ ކުރައްވައި ޕީޖީ ވިދާޅުވީ، ވަކި ލަނޑުދަނޑިތަކެއް ކަނޑައެޅިގެން އެކަމުގައި މަސައްކަތްތައް ކުރިއަށްދާ ކަމަށެވެ.

ޕީޖީ އެހެން ވިދާޅުވެފައިވާއިރު، މި މައްސަލައިގައި ތުހުމަތު ކުރެވޭ އެކި ފެންވަރުގެ 260 އެއްހާ މީހުން ހިމެނޭއިރު، އެ ހުރިހާ އެންމެންގެ މައްޗަށް އެއްފަހަރާ އަދި އެއް މިންގަނޑެއްގައި ދަޢުވާ ކުރުމަކީ ކުރެވިދާނެ ކަމެއް ނޫންކަމަށް ހޯމް މިނިސްޓަރ ޝެއިޙް އިމްރާން އަބްދުﷲ ވަނީ ވިދާޅުވެފައެވެ.

އޭގެ އިތުރުން، އެމްއެމްޕީއާރްސީ ޚިޔާނާތުގައި ހިމެނޭ މީހުންގެ މައްސަލަ ބަލާނެ ތަރުތީބެއް އެކުލަވާލައި، ހުރިހާ އިދާރާއަކުން އެކަމުގައި އެއްބަސްވުމަކަށް އާދެވިފައި ވާކަމަށްވެސް މިނިސްޓަރ ވިދާޅުވެފައިވެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ރާއްޖެ އެމްވީ
0%
100%
0%
0%
0%
0%
ކޮމެންޓް