އިތުރު 19 މީހަކު ކޮވިޑް-19ށް ޕޮޒިޓިވް ވެއްޖެ
27 މެއި 2020 | ބުދަ 10:06ޕޮޒިޓިވްވި މީހުންގެ ތެރޭގައި 4 ދިވެހިން ހިމެނޭ
ކޮވިޑް-19 އަށް ޓެސްޓް ކުރުމަށް މީހެއްގެ ސާމްޕަލް ނަގަނީ؛ މިއަދު ވަނީ 19 މީހަކު ޕޮޒިޓިވްވެފައި
އިތުރު 19 މީހަކު ކޮވިޑް-19ށް ޕޮޒިޓިވް ވެއްޖެ އެވެ.
އެޗްޕީއޭއިން ބުނީ ޕޮޒިޓިވްވި މީހުންގެ ތެރޭގައި ހިމެނެނީ 4 ދިވެހިންނާއި، ބަންގުލަދޭޝްގެ 13 މީހުންނާއި އިންޑިއާ މީހަކާއި ނޭޕާލް މީހެއް ކަމަށެވެ. މިއާއެކު ރާއްޖޭގައި ޕޮޒިޓިވްވި މީހުންގެ އަދަދު ވަނީ 1457ށް އަރާފަ އެވެ.
އެޗްޕީއޭގެ ޑޭޝް ބޯޑުން ދައްކާ ގޮތުން ޕޮޒިޓިވްވެގެން މިއަދު އިއުލާންކުރި 19 މީހުންނަނީ 26 ވަނަ ދުވަހު ސާމްޕަލް ނެގި މީހުންނެވެ. މިއާއެކު 26 ވަނަ ދުވަހު ޕޮޒިޓިވްވި މީހުންގެ އަދަދު ވަނީ 35ށް އަރާފައެވެ.
ކޮވިޑް-19ށް މިވަގުތު ފަރުވާ ދެމުން ދަނީ 1253 މީހުންނަށެވެ. އަދި ރާއްޖޭގައި ބަލިން ފަސޭހަވި މީހުންގެ އަދަދު ވަނީ 232ށް އަރާފަ އެވެ. ކޮވިޑް-19 ޖެހިގެން މިހާތަނަށް ވަނީ 5 މީހަކު މަރުވެފަ އެވެ.
ރާއްޖޭގައި ޕޮޒިޓިވްވީ މީހުންގެ ތަފާސް ހިސާބުތަކަށް ބަލާއިރު، ޕޮޒިޓިވްވި ދިވެހިންގެ އަދަދު ވަނީ 511ށް އަރާފަ އެވެ. އަދި ބަންގުލަދޭޝްގެ މީހުންގެ އަދަދަކީ 750 އެވެ. މީގެ އިތުރުން އިންޑިއާގެ 146 މީހަކާއި، ނޭޕާލްގެ 23 މީހުން އަދި ސްރީލަންކާގެ 9 މީހަކާއި ޕާކިސްތާނުގެ 3 މީހަކާއި އިޓަލީގެ 11 މީހެއްގެ އިތުރުން އެހެނިހެން ޤައުމުތަކަށް ނިސްބަތްވާ 4 މީހަކު ހިމެނެއެވެ.
