ޝާހުރުކްގެ ވެބް ސީރީޒް "ބެޓާލް" ރިލީޒްކޮށްފި
24 މެއި 2020 | އާދީއްތަ 17:42ސީރީޒް ރިލީޒްކޮށްފައިވަނީ އާދީއްތަ ދުވަހު
ބެޓާލްގެ ޕޯސްޓަރ
ބޮލީވުޑްގެ މަޝްހޫރު ތަރި ޝާހުރުކް ޙާންގެ ވެބް ސީރީޒް "ބެޓާލް" ރިލީޒްކޮށްފި އެވެ.
އާދީއްތަ ދުވަހު މި ސީރީޒް ރިލީޒްކޮށްފައިވާ އިރު މި ސީރީޒްގައި ހިމެނެނީ ހަތަރު އެޕިސޯޑެވެ. ޕެޓްރިކް ގްރަހަމް އަދި ނިކިލް މަހާޖަން ޑައިރެކްޓް ކޮށްފައިވާ ބެޓާލް އަކީ ޝާހުރުކް ގެ ފިލްމް ޕްރޮޑަކްޝަން ހައުސް ރެޑް ޗިލީސް އިން ޕްރޮޑިއުސް ކުރި ސީރީޒް އެކެވެ.
މި ސީރީޒްއަކީ ބިރުވެރި ޖޯންރާގެ ސީރީޒްއެކެވެ. ފިލްމުގެ ސްކްރިޕްޓް ލިޔެ ޑައިރެކްޓް ކޮށްފައި ވަނީ ޕަޓްރިކް ގްރަހަމް އެވެ. ގޮއުލް ވެސް ޑައިރެކްޓް ކުރީ ޕަޓްރިކް ގްރަހަމް އެވެ. މި ދެ ފިލްމަކީ ވެސް ނެޓްފްލިކްސްގެ ދެ ފިލްމެވެ.
މި ފިލްމަކީ ޝާހުރުކްގެ ފިލްމް ޕްރޮޑަކްޝަން ހައުސް ރެޑް ޗިލީސް، ނެޓްފްލިކްސް، އެސް ކޭ ގްލޯބަލް އަދި ހޮލީވުޑްގެ މަޝްހޫރު ބިރުވެރި ފިލްމުތަކެއް އުފައްދަމުންދާ ބްލަމް ހައުސް ޕްރޮޑަކްޝަނާއި ގުޅިގެން ތައްޔާރުކުރާ ސީރީޒް އެކެވެ.
