ސްވިމިންގ އެސޯސިއޭޝަންގެ ހިންގާ ކޮމިޓީގެ ދައުރު ދަމަހައްޓައިފި

ސްވިމިންގ އެސޯސިއޭޝަން އޮފް މޯލްޑިވްސްގެ ހިންގާ ކޮމިޓީގެ ދައުރު ދަމަހައްޓަން ނިންމައިފި އެވެ.

ކޮރޯނާވައިރަސް (ކޮވިޑް-19) އާ ގުޅިގެން ސްވިމިންގ އެސޯސިއޭޝަންގެ އިންތިޚާބު ވަނީ ފަސްކޮށްފައެވެ. އެ އެސޯސިއޭޝަންގެ އިންތިޚާބު ނުބޭއްވި ލަސްވަމުންދާތީ މިހާރުގެ ހިންގާ ކޮމިޓީގެ ދައުރު ދަމަހައްޓަން ވަނީ ނިންމާފައެވެ.

ސްވިމިންގ އެސޯސިއޭޝަނުން ބުނޫ ކޮވިޑް-19 އާ ގުޅިގެން ސަރުކާރު ބަންދުކޮށްފައިވާ ކުރުން ނިމުމަކަށް އައިސް، އާންމު ހާލަތަކަށް ރުޖޫޢއަވެ، ސަރުކާރު ހުޅުވޭތާ 30 ދުވަހުގެ ތެރޭގައި އެ އެސޯސިއޭޝަންގެ ހިންގާ ކޮމިޓީގެ އިންތިޚާބު ބޭއްވުމަށާއި، އައު ހިންގާ ކޮމިޓީ އިންތިޚާބުކުރުމާ ހަމައަށް މިހާރު އިންތިޚާބުކޮށްފައިވާ ހިންގާ ކޮމިޓީ ދެމިއޮތުމުގެ ހުއްދަ ސްޕޯޓްސް ކޮމިޝަންގެ ފަރާތުންނާއި ބައިނަލްއަގުވާމީ ފެތުމުގެ ކުޅިވަރުތަކާ ބެހޭ ޖަމްޢިއްޔާ (ފީނާ) އިން ދީފައިވާ ކަމަށެވެ.

ސްވިމިންގ އެސޯސިއޭޝަންގެ އިންތިޚާބު ހަތަރުވަނަ ފަހަރަށް ފަސްކޮށްފައިވާއިރު، އެ އެސޯސިއޭޝަނުން މީގެ ކުރިން ވަނީ ހަތަރުވަނަ އިންތިޚާބުގެ ވޯޓުލުން ބޭއްވޭނެ ތާރީޚް، ގަޑި އަދި ބޭއްވޭނެ ތަން ފަހުން އިއުލާން ކުރާނެ ކަމަށެވެ.

މީގެ ކުރިން ސްވިމިންގ އެސޯސިއޭޝަންގެ އިންތިޚާބު ބާއްވަން ނިންމީ އޭޕްރީލް މަހުގެ 11 ވަނަ ދުވަހު އެވެ. އޭގެ ކުރިން ވެސް އިންތިޚާބު ބާއްވަން މަސައްކަތް ކުރި ނަމަވެސް، ކޮވިޑް-19 އާ ގުޅިގެން އިންތިޚާބު ފަސްކުރިއެވެ. އެންމެ ފުރަތަމަ އިންތިޚާބު ބާއްވަން ނިންމީ މާޗު މަހުގެ 28 ވަނަ ދުވަހު އެވެ.