ޕްރިމިއާ ލީގު ފެށުމުންވެސް، އިއްތިހާދު ސްޓޭޑިއަމްގެ ބައެއް ނޭޝަނަލް ހެލްތު ސާވިސަސް އަށް

އިނގިރޭސި ޕްރިމިއަރ ލީގު އަލުން ފެށުމުންވެސް، އިއްތިހާދު ސްޓޭޑިއަމްގެ ބައެއް ނޭޝަނަލް ހެލްތު ސަރވިސްގެ ބޭނުމަށް ދޭނެ ކަމަށް މެންޗެސްޓަރ ސިޓީން ބުނެފިއެވެ،

މެންޗެސްޓަރ ސިޓީން ނެޝަނަލް ހެލްތު ސަރވިސަސްއަށް އެ ޓީމުގެ ދަނޑު ދިނީ، ނޮވެލް ކޮރޯނާވައިރަސް (ކޮވިޑް-19) އާ ގުޅިގެން ނެޝަނަލް ހެލްތު ސަރވިސަސް އިން އެހީތެރިވުމުގެ ގޮތުންނެވެ. ސިޓީން ނެޝަނަލް ހެލްތު ސަރވިސަސް އާއެކު މީގެ ކުރިން އެއްބަސްވުމެއްގައި ސޮއިކުރިއިރު، ކޮވިޑް-19 އިން ސަލާމަތްވަންދެން ނެޝަނަލް ހެލްތު ސަރވިސަސްއަށް އިއްތިހާދު ސްޓޭޑިއަމް ބޭނުންކުރެވޭނެ އެވެ.

ރިޕޯޓުތައް ބުނާ ގޮތުން ނެޝަނަލް ހެލްތު ސަރވިސަސް އިން އިއްތިހާދު ސްޓޭޑިއަމް ބޭނުންކުރަނީ، ކޮވިޑް-19 ގެ ކަންކަމުގައި އެންމެ ކުރީ ސަފުގައި މަސައްކަތް ކުރަމުން އަންނަ މީހުން ބޭނުން ކުރުމަށާއި ޢާންމު ރައްޔިތުންނަށް އެހީވުމަށެވެ. އެގޮތުން މިހާތަނަށް 2،600 ށްވުރެ ގިނަ މިހުން އިއްތިހާދު ސްޓޭޑިއަމް ބޭނުން ކޮށްފައިވާކަމަށް ރިޕޯޓުތައް ބުނެއެވެ.

ޖޫން މަހު އިނގިރޭސި ޕްރިމިއަރ ލީގު އަލުން ފަށަން ތައްޔާރުވަމުން އަންނައިރު، ރިޕޯޓުތައް ބުނާގޮތުން ޕްރިމިއަރ ލީގުން މިހާރު ހުށަހަޅާފައިވަނީ ތަފާތު 10 ދަނޑެއްގައި މެޗުތައް ކުޅޭށެވެ. އެ 10 ދަނޑެއް އަދި މިހާތަނަށް ކަނޑައަޅާފައި ނުވި ނަމަވެސް، ސިޓީން ބުނީ އެ ކްލަބުގެ އިއްތިހާދު ސްޓޭޑިއަމްގައި މެޗުތައް ކުޅުނު ނަމަވެސް، ދަނޑުގެ ބައެއް ނެޝަނަލް ހެލްތު ސަރވިސަސް އަށް ބޭނުން ކުރެވޭނެ ކަމަށެވެ.

ކޮވިޑް-19 ގެ ކަންކަމުގައި ސިޓީން އެހީތެރިކަން ފޯރުކޮށްދެމުން އަންނައިރު، މީގެ ކުރިން މެންޗެސްޓަރ ޔުނައިޓެޑާ ގުޅިގެން ސިޓީން ވަނީ އެއް ލައްކަ ޕައުންޑު ހަދިޔާ ކޮށްފައެވެ.