ވިޔަފާރިތަކަށް ފޯރުކޮށްދޭ ބައެއް ޚިދުމަތްތައް ދިނުމަށް އިކޮނޮމިކް މިނިސްޓްރީން ނިންމައިފި
ހަފުތާ ބަންދު ފިޔަވައި ކޮންމެ ދުވަހެއްގެ 10:00 އިން 2:00 އަށް ޚިދުމަތް ފޯރުކޮށްދޭނެ
އިކޮނަމިކް މިނިސްޓްރީންގެ ވިޔަފާރިއާއި ބެހޭ ސެކްޝަންގެ ހިދުމަތްތަކާއި ގުޅޭގޮތުން ނޫސްވެރިންނަށް މައުލޫމާތު ދިނުމަށް ބޭއްވި ނުވަގަޑީގެ ތެރެއިން
އަންނަ އާދީއްތަ ދުވަހުން ފެށިގެން ވިޔަފާރިތަކަށް ފޯރުކޮށްދޭ ބައެއް ޚިދުމަތްތައް އިކޮނޮމިކް މިނިސްޓްރީން ދޭގޮތައް ނިންމައިފިއެވެ.
އިކޮނޮމިކް މިނިސްޓްރީން ބުނީ އެ މިނިސްޓްރީން ވިޔަފާރިތަކަށް ފޯރުކޮށްދޭ ބައެއް ޚިދުމަތްތައް 10 މެއި 2020 އިން ފެށިގެން، ހުކުރު އަދި ހޮނިހިރު ދުވަސް ފިޔަވައި ކޮންމެ ދުވަހެއްގެ ހެނދުނު 10:00 އިން މެންދުރުފަހު 2:00އަށް ފޯރުކޮށްދިނުމަށް ހަމަޖެހިފައިވާ ކަމަށެވެ.
އަދި ވިޔަފާރިއާގުޅޭ ޚިދުމަތްތަކަށް އެދުމަށް ހުށަހެޅޭނީ، މިނިސްޓްރީގެ ބިޒްނަސް ޕޯޓަލްbusiness.egov.mvނުވަތަ އީމެއިލް އެޑްރެސްcompany@trade.gov.mvމެދުވެރިކޮށް ކަމަށް މިނިސްޓްރީން ބުނެއެވެ.
މިނިސްޓްރީން ދޭ ޚިދުމަތްތައް:
- ވިޔަފާރި ނަން ފާސްކުރުން
- ވިޔަފާރި ނަން ރަޖިސްޓްރީކުރުން
- އަމިއްލަ ފަރުދުންގެ ވިޔަފާރި ރަޖިސްޓްރީކުރުން
- ކުންފުނި ރަޖިސްޓްރީކުރުން
- ކޯޕަރޭޓް ޕްރޮފައިލް ޝީޓް ދޫކުރުން
- ކުދި އަދި މެދު ފަންތީގެ ވިޔަފާރި ގިންތިކުރުން
- ލޯގޯ ރަޖިސްޓްރީކުރުން
- ސީލް ރަޖިސްޓްރީކުރުން
- ޓްރޭޑްމަރކް ރަޖިސްޓްރީކުރުން
- ވިޔަފާރި ޙަރަކާތް ރަޖިސްޓަރީކުރުން
- ކުންފުނި / ޕާރޓްނަރޝިޕް އުވާލަން ހުށަހެޅުން
- ފޮރިން އިންވެސްޓްމަންޓް ރަޖިސްޓްރީކުރުން
މީގެ އިތުރުން، ހުކުރު އަދި ހޮނިހިރު ދުވަސް ފިޔަވައި ކޮންމެ ދުވަހެއްގެ ހެނދުނު 10:00 އިން މެންދުރު 2:00 އަށް މިނިސްޓްރީގެ ލައިވް ޗެޓް އަދި ކޯލްސެންޓަރ 1691 މެދުވެރިކޮށް މަޢުލޫމާތު ފޯރުކޮށްދެވޭނެ ކަމަށް ވެސް އިކޮނަމިކް މިނިސްޓްީން ބުނެއެވެ. އަދި އިތުރު މަޢުލޫމާތު ބޭނުންވާނަމަ1691@trade.gov.mvއަށް އީމެއިލް ކުރުމަށް ވަނީ އެދިފައެވެ.
