ހުކުރު 29 މެއި 2020
10 ރޯނު
1441 ޝައްވާލް 06
ފަތިސް 04:34
އިރުއަރާ 05:51
މެންދުރު 12:07
އަސްރު 15:30
އިރުއޮއްސޭ 18:15
އިޝާ 19:33
ޕްރިމިއާ ލީގު ކުޅުންތެރިންގެ ފަންޑު

ޕްރިމިއާ ލީގު ކުޅުންތެރިންގެ ފަންޑަށް އިންގްލެންޑާއި ސްކޮޓްލެންޑްގެ ކުޅުންތެރިންގެ ދީލަތި އެހީއެއް

  • އިނގިރޭސި ޕްރިމިއާ ލީގުގެ ކުޅުންތެރިންގެ ހާއްސަ ފަންޑަށް ވަނީ އެހީވެފައި
  • މި ފަންޑު މެދުވެރިކޮށް ނެޝަނަލް ހެލްތު ސާވިސަސް އެހީވުމަށް ކުޅުންތެރިން މަސައްކަތް ކުރާނެ

ކ. މާލެ | 7 މެއި 2020 | ބުރާސްފަތި 13:49 | 2,641

2018 ވަނަ އަހަރު އިންގްލެންދާއި ސްކޮޓްލެންޑް ބައްދަލުކުރި މެޗުގެ ތެރެއިން - ގެޓީ އިމޭޖާސް

އިނގިރޭސި ޕްރިމިއަރ ލީގުގެ ކުޅުންތެރިންގެ ހާއްސަ ފަންޑަށް އިންގްލެންޑާއި، ސްކޮޓްލެންޑުގެ ގައުމީ ފުޓްބޯޅަ ޓީމުގެ ކުޅުންތެރިން އެހީވެއްޖެއެވެ.

ނޮވެލް ކޮރޯނާވައިރަސް (ކޮވިޑް-19) އާ ދެކޮޅަށް އިނގިރޭސިވިލާތުގައި މަސައްކަތް ކުރާ ނޭޝަނަލް ހެލްތު ސަރވިސަސް އަށް އެހީވުމުގެ ގޮތުން އިނގިރޭސި ޕްރިމިއަރ ލީގުގެ ކުޅުންތެރިން މީގެ ކުރިން ވަނީ ހާއްސަ ފަންޑެއް ގާއިމުކޮށްފައެވެ. "ކުޅުންތެރިން އެކުގައި" މި ނަމުގައި އުފެއްދި މި ފަންޑު މެދުވެރިކޮށް ނޭޝަނަލް ހެލްތު ސަރވިސަސްއަށް ފަންޑު ހޯދުމަށް ޕްރިމިއަރ ލީގުގެ ކުޅުންތެރިން މަސައްކަތް ކުރާނެއެވެ. އަދި މި ކެމްޕޭން ކުރިއަށް ގެންދަނީ "ނޭޝަނަލް ހެލްތު ސަރވިސަސް ޗެރިޓީސް ޓުގެދަރ" އާ ގުޅިގެންނެވެ.

މި ފަންޑަން އިންގްލެންޑު ގައުމީ ފިރިހެން ފުޓުބޯޅަ ޓީމުގެ ކުޅުންތެރިންނާއި ،ސްކޮޓްލެންޑުގެ ގައުމީ ފިރިހެން އަދި އަންހެން ފުޓުބޯޅަ ޓީމުގެ ކުޅުންތެރިން ވަނީ އެހީވެފައެވެ. މީގެ ކުރިން އިންގްލެންޑް ގައުމީ އަންހެން ފުޓުބޯޅަ ޓީމުންވެސް ވަނީ މިފަންޑަށް އެހީވެފައެވެ.

އިނގިރޭސިވިލާތުން މިހާތަނަށް 201،100 އަށްވުރެ ގިނަ މީހުން ކޮވިޑް-19އަށް ޕޮޒިޓިވްވެފައިވާއިރު، ޕްރިމިއަރ ލީގު ކުޅުންތެރިންގެ މި ފަންޑު މެދުވެރިކޮށް، ކޮވިޑް-19 އާ ދެކޮޅަށް ކުރީ ސަފުގައި މަސައްކަތް ކުރާ ޚިދުމަތްތެރިންނަށް އެހީވުމަށް ވަނީ ނިންމާފައެވެ.

ކޮވިޑް-19 އާ ގުޅިގެން މުއްދަތެއް ނެތް ގޮތަށް ޕްރިމިއަރ ލީގުގެ ކުޅުން މެދުކަނޑާލާފައިވާއިރު، ޕްރިމިއަރ ލީގުގެ ކްލަބުތަކުން މީގެ ކުރިން ވަނީ ނޭޝަނަލް ހެލްތު ސަރވިސަސްއަށް 20 މިލިއަން ޔޫރޯ ހަދިޔާ ކުރުމަށް ނިންމާފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން | ރިވިއު ކުރީ: ޒިހްނަތު ހަސަން

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.