ޕޮޒިޓިވްވި މީހުންގެ ތެރޭގައި އެސްޓީއޯގެ މުވައްޒަފެއް، ގުދަނާއި ފިހާރަތައް ޑިސްއިންފެކްޓް ކޮށްފި
ގުދަނާއި ފިހާރަތައް ޑިސްއިންފެކްޓް ކޮށް އީ ސްޓޯރ ގެ ހިދުމަތް މާދަމާ އަލުން ފަށާނެ
އެސްޓީއޯ ސުޕަރމާޓް ޑިސްއިންފެކްޓް ކުރަނީ
ކޮވިޑް-19 އަށް ޕޮޒިޓިވްވި މީހުންގެ ތެރޭގައި އެސްޓީއޯގެ މުވައްޒަފެއް ހިމެނުމާއި ގުޅިގެން އެސްޓީއޯގެ ފިހާރަތަކާއި ގުދަންތައް އަދި ލޭބަރ ކުއާޓާ ޑިސްއިންފެކްޓް ކޮށްފިއެވެ.
ނެޝަނަލް އެމަރޖެންސީ އޮޕަރޭޝަން ސެންޓަރ (އެންއީއޯސީ) ގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން އެ ސެންޓަރުގެ ތަރުޖަމާނު މަބްރޫކް އަޒީޒު ވިދާޅުވީ ޕޮޒިޓިވްވެފައިވާ މީހުންގެ ތެރޭގައި އެސްޓީއޯގެ ކޭސްއެއް ހިމެނޭ ކަމަށެވެ. އަދި އެމީހާއަކީ އެސްޓީއޯގެ ލޭބަރ ކުއާޓާއެއްގައި ދިރިއުޅުއްވާ ބޭފުޅެއް އަދި އެސްޓީއޯގައި މަސައްކަތްކުރާ މުވައްޒަފެއް ކަމަށެވެ.
މައުލޫމާތު ލިބިފައިވާ ގޮތުގައި ޕޮޒިޓިވްވި އެސްޓީއޯގެ މުވައްޒަފަކީ އެސްޓީއޯ ސުޕަރމާޓްގައި މަސައްކަތް ކުރާ ބަންގުލަދޭޝް މީހެކެވެ. އަދި މިކަމާއި ގުޅިގެން އެތަން ހޮނިހިރު ދުވަހުގެ ރޭ ވަނީ ޑިސްއިންފެކްޓްކޮށްފައެވެ. މީގެ އިތުރުން ކޮންޓެކްޓް ޓްރޭސިންގެ ތެރެއިން މީހުން ހޯދާ ޓެސްޓް ކުރަމުންދާ ކަމަށް ވަނީ މައުލޫމާތު ލިބިފައެވެ.
މަބްރޫކް ވިދާޅުވީ މިކަމާއި ގުޅިގެން އެސްޓީއޯގެ އީ ސްޓޯރ ގެ ހިދުމަތް ހޮނިހިރު ދުވަހު ބަންދު ކުރެވިފައިވާ ކަމަށާއި، އީ ސްޓޯރގެ މަސައްކަތް އާދީއްތަ ދުވަހުން އަލުން ފެށޭނެ ކަމަށެވެ.
