ކޮވިޑް-19 ޖެހިގެން އިރާނުން 6،000 އަށް ވުރެ ގިނަ މަރު
2 މެއި 2020 | ހޮނިހިރު 15:58ފާއިތުވީ 24 ގަޑީއިރުގެ ތެރޭގައި އިރާނުން 65 މީހުން މަރުވި
އިރާނުގެ ޞިއްހީ ޚިދުމަތްތެރިއަކު ކޮވިޑް-19 ބަލިމީހަކަށް ފަރުވާދެނީ
އިރާނުން ކޮވިޑް-19 ޖެހިގެން މަރުވީ މީހުންގެ ޢަދަދު 6،000 އަށް ވުރެ ގިނަ މީހުން މަރުވެއްޖެއެވެ.
އިރާނުގެ ޞިއްޙަތާބެހޭ ވުޒާރާއާއި ޙަވާލާދީ ޤަލްފުގެ މީޑިއާތަކުން ރިޕޯޓުކުރާގޮތުގައި ފާއިތުވީ 24 ގަޑީއިރުގެ ތެރޭގައި އެޤައުމުން 65 މީހުން މަރުވެ، ވައިރަސް ޖެހިގެން މަރުވި މީހުންގެ ޢަދަދު ވަނީ 6،156 އަށް އަރާފައެވެ.
އެޤައުމުގެ ޞިއްހަތާބެހެ ވުޒާރާގެ ތަރުޖަމާނު، ކިއާނޫޝް ޖަހާންޕޫރާއި ޙަވާލާދީ މީޑިއާތަކުން ރިިޕޯޓުކޮށްފައިވާ ގޮތުގައި، މިހާތަނަށް އާއިރު، 96،448 މީހުން ވަނީ ވައިރަސްއަށް ޕޮޒިޓިވްވެފައިވެއެވެ. މީގެތެރެއިން 2،787 މީހުންގެ ޙާލަތު ވަރަށް ސީރިއަށް ކަމަށްވެސް ރިޕޯޓުކޮށްފައިވެއެވެ.
އީރާނުގައި ނުރައްކާތެރި މިންވަރަކަށް ކޮވިޑް-19 ފެތުރެމުންދާތީ އެޤައުމުގެ ސަރުކާރުން ދަނީ ވަރަށް ހަރުކަށި ފިޔަވަޅުތައް ތަންފީޒުކުރަމުންނެވެ. އޭގެ ތެރޭގައި މައި ސިޓީތައް ފުރަބަންދުކުރުމާއި، ވައިރަސްގެ ނުރައްކާ ބޮޑު އަވަަށްތަކުގައި ކާފިއުގެ ޢަމުރުވަނީ އިޢުލާނުކޮށްފައެވެ. އަދި އެއްވެ އުޅުން މަނާކޮށްފައިވާއިރު، ޒަރޫރީ ބޭނުމެއްގައި ޚާއްޞަ ހުއްދައަކާއެކު ނޫނީ ބޭރަށް ނިކުމެ އުޅުން ވަނީ މަނާކޮށްފައެވެ.
އިޤުތިޞާދީ، ސިނާޢީ ޙަރަކާތްތައް ހުއްޓާލާފައިވާއިރު، ޒަރޫރީ ތަކެތި ވިއްކާ ތަންތަން ފިޔަވަައި އެހެނިހެން ވިޔަފާރި ޙަރަކާތްތައް ވެސް ވަނީ މެދުކަނޑާލާފައެވެ. މީގެ އިތުރުން މަދަނީ އަދި ބައިނަލްއަޤުވާމީ އުދުހުންތައް ހުއްޓާލާފައެެވެ. މިހާރު އެޤައުމުން އުދުހުންތައް ކުރިޔަށްގެންދަނީ ކާގޯ އުފުލުމަށާއި، އެހެން ޤައުމުތަކުގައި ތިބި އެޤައުމުގެ މީހުން އަނބުރާ ޤައުމަށް ގެނައުމަށެވެ.
