އިތުރު ދިވެއްސަކު ކޮވިޑް-19 އަށް ޕޮޒިޓިވްވެ، ޖުމްލަ އަދަދު 278 އަށް
ޕޮޒިޓިވެވްފައިވަނީ 52 އަހަރުގެ ދިވެއްސެއް
ޮކޮވިޑް-19 އަށް ޝައްކު ކުރެވޭ މީހެއްގެ ސާމަޕަލް ނަގައިގެން ފްރަންޓް ލައިންގައި މަސައްކަތް ކުރާ މީހަކު ދަނީ
އިތުރު ދިވެއްސަކު ކޮވިޑް-19 އަށް ޕޮޒިޓިވްވެއްޖެއެވެ.
އެޗްޕީއޭއިން ބުނީ ޕޮޒިޓިވެވްފައިވަނީ 52 އަހަރުގެ ދިވެއްސެއް ކަމަށެވެ. މިއާއެކު ރާއްޖެއިން ޕޮޒިޓިވްވި މީހުންގެ އަދަދު ވަނީ 278 އަށް އަރާފައެވެ.
މިއަދު ޕޮޒިޓިވްވި މީހުންގެ ތެރޭގައި ހިމެނެނީ ޕާކިސްތާން މީހަކާއި 27 ދިވެހިންނެވެ.
އެޗްޕިއޭގެ ތަފާސް ހިސާބުތައް ދައްކާގޮތުން މިހާތަނަށް 278 މީހަކު ޕޮޒިޓިވްވެފައިވާ އިރު މީގެ ތެރޭގައި ހިމެނެނީ 126 ދިވެހިންނާއި 152 ބިދެސީންނެވެ.
ޕޮޒިޓިވްވެފައިވާ މީހުންގެ ތަފްސީލު
ދިވެހިން 126
ބަންގުލަދޭޝް 115
އިންޑިއާ 17
އިޓަލީ 11
ޕާކިސްތާން 3
ސްރީލަންކާ 2
ޔޫކޭ 1
އެހެނިހެން ގައުމުތަކުގެ މީހުން 3
ޕޮޒިޓިވްވި މީހުންގެ ތެރޭގައި ހިމެނެނީ 52 އަންހެނުންނާއި 226 ފިރިހެނުންނެވެ. ކަރަންޓީންގައި މިވަގުތު 1289 މީހަކު ތިބި އިރު އައިސޮލޭޝަންގައި 285 މީހަކު އެބަތިއްބެވެ.
މިހާތަނަށް 7876 ސާމްޕަލް ނަގާފައިވެއެވެ. 278 ސާމްޕަލް ޕޮޒިޓިވްވެފައިވާ އިރު، 7632 ސާމްޕަލް ނެގެޓިވް އަދި 875 ސާމްޕަލްގެ ނަތީޖާ ނުލިބެއެވެ.
