ބިގް ބޮސްގެ އަޝުތޯޝް ކައިވެންޏަށް ރައްކާކުރި ފައިސާ ކޮވިޑް ފަންޑަށް

ބިގް ބޮސް ސީޒަން 2 ކާމިޔާބުކުރި އަޝުތޯޝް ކައިވެނިކުރުމަށް ރައްކާކުރި ހުރިހާ ފައިސާއެއް އިންޑިއާގެ ބޮޑުވަޒީރު ހުޅުއްވާފައިވާ "ޕީއެމް ކެއަރ ފަންޑަށް" ހަދިޔާކޮށްފިއެވެ.

ރޯޑީސް ސީޒަން ފަހެއް ވެސް ކާމިޔާބުރި އަޝުތޯޝް ކައިވެނި ކޮށްފައި ވަނީ އާދީއްތަ ދުވަހު އޭނާ ދިރިއުޅޭ ގޭގެ ޓޭރަސްގައެވެ. ގޭގެ ޓެސްރަގައި ކުޑަ ހަފްލާއެއްގެ ގޮތަށް ކައިވެނީގެ ކަންތައް އަޝުތޯޝް ކުރިއަށް ގެންގޮސްފައިވާރު، އެނާ ކޮވިޑް 19 އާއި ގުޅިގެން އުފައްދާފައިވާ ޕީއެމް ކެއަރ ފަނޑަށް ހަދިޔާކުރި ފައިސާގެ އަދަދެއް ހާމަކޮށްފައެއް ނުވެއެވެ.

މުޅި އިންޑިއާ ލޮކްޑައުންގައި އޮތުމުން، އަޝުތޯޝްގެ ކައިވެނި ހަފްލާގައި ބައިވެރިވެފައި ވަނީ އެންމެ ހަތަރު މީހުންނެވެ. އެއީ އަޝުތޯޝްގެ މަންމައާއި ދައްތަގެ އިތުރުން އޭނަ ކައިވެނި ކުރި އަރްޕިތާގެ ބޭބެ އާއި މަންމައެވެ.

އަޝުތޯޝްގެ ފޭސްބުކްގައި ޝެއަރ ކޮށްފައިވާ ވީޑިއޯ އިން ފެންނަ ގޮތުގައި ކައިވެނި ކޮށްދޭން ހުންނަ މިހާ އަންގި އާއި މާސްކު ބޭނުންކޮށްފައިވެއެވެ.

އަތޯޝް އޭނާގެ ޔޫޓިއުބް ޗެނަލުން ލިބެމުން އަންނަ އާމްދަނީ ވެސް ދަނީ ފަންޑުތަކަށް ހަދިޔާކުރަމުނެވެ. އަތޯޝް ވަނީ ބޮލީވުޑްގެ ފިލްމުތަކުގެ ތެރެއިން ކިސްމަތް ލަވް ޕެއިސާ ދިއްލީ، ޝޯޓްކަޓް ރޯމިއޯ އާދި ޒިލާ ގަޒިއަބާދް ގައި އެކްޓުކޮށްފައެވެ.