ކޮރޯނާވައިރަސް އަށް ޓެސްޓް ކުރިއަސް ރޯދަ ނުގެއްލޭނެ: ޔޫ.އޭ.އީ ފަތުވާ ކައުންސިލް
ރޯދައިގެ އަޅުކަން އަދާ ކުރުމުގައި އެކަހެރިވެ ތިބުމަށް މުސްލިމް ގައުމުތަކުން ވަނީ އިރުޝާދު ދީފައި
ކޮރޯނާވައިރަސް އިން ސަލާމަތްވުމަށް މިސްކިތެއް ޑިސްއިންފެކްޓް ކުރަނީ
ކޮރޯނާވައިރަސް އަށް ޓެސްޓް ކުރިއަސް ރޯދަ ނުގެއްލޭނެ ކަމަށް ޔުނައިޓެޑް އެރަބް އެމިރޭޓްސް (ޔޫ.އޭ.އީ) ގެ ފަތުވާ ކައުންސިލް އިން ކަނޑައަޅައިފިއެވެ.
ޔޫ.އޭ.އީގެ ފަތުވާ ކައުންސިލް އާ ހަވާލާދީ އަލް އިއްތިހާދު ނޫހުގައި ބުނެފައިވަނީ، ރޯދަ އަށް ހުންނަ މީހާ، ރޯދަ ގެއްލިދާނެ ކަމުގެ ބިރަށް ކޮރޯނާވައިރަސް އަށް ޓެސްޓް ނުކޮށް ހުންނާކަށް ނުޖެހޭނެ ކަމަށެވެ.
ކޮރޯނާވައިރަސް އަށް ޓެސްޓް ހެދުމަށް ސާމްޕަލް ނަގަނީ ނޭފަތައް ކަފަބުރެއް ބާނައިގެންނެވެ.
މި އަހަރުގެ ބަރަކާތްތެރި ރަމަޟާން މަސް މުސްލިމުންނާ ބައްދަލު ކުރާ އިރު މުޅި ދުނިޔެއަށް ކޮވިޑް-19 ގެ ބަލިމަޑުކަން ފެތުރިފައި ވުމާ އަދި މި ބައްޔަކީ ގައިންގަޔަށް ފަސޭހައިން އަރާ ބައްޔަކަށް ވުމާ އެކު ބަލިން ރައްކާތެރި ވުމުގެ ގޮތުން، މި އަހަރުގެ ރޯދައިގެ އަޅުކަން އަދާ ކުރުމުގައި އެކަހެރިވެ ތިބެ އަޅުކަން ފުރިހަމަ ކުރުމަށް އިސްލާމީ ގައުމުތަކުން އެ ގައުމުތަކުގައި ދިރިއުޅޭ މުސްލިމުންނަށް ވަނީ އިރުޝާދު ދީފައެވެ.
