މާލެސިޓީ ލޮކްޑައުންއަކަށް ދިއުމާއެކު ފެނަށް އޯޑަރުކުރާ މިންވަރު ހާހުން ގިނަ ކަމަށާއި، ކެތްތެރިކަން އިސްކުރުމަށް އެމް.ޑަބްލިއު.އެސްސީގެ މެނޭޖިން ޑިރެކްޓަރު ހަސަން ޝާހު ވިދާޅުވެއްޖެއެވެ.
ރާއްޖެޓީވީއަށް ދެއްވި ޚާއްސަ އިންޓަވިއުއެއްގައި ޝާހު ވިދާޅުވީ ފެނަށް އޯޑަރުދޭ މިންވަރު އިތުރު ކަމަށާއި، ހޮނިހިރު ދުވަހު އެކަނިވެސް 8000ށް ވުރެ ގިނަ އޯޑަރުތައް ލިބިފައިވާ ކަމަށެވެ.
މާލެސިޓީގެ މަގުތަކަށް އަލިއަޅުއްވާލައްވާ ޝާހު ވިދާޅުވީ ގޭތަކަށް ފެން ކޭސްތައް ފޯރުކޮށްދިނުމުގެ މަސައްކަތް ކުރާއިރު، އެއްމުއައްޒަފަކު މަގުތަކުގައި ހުންނަ ސައިކަލުތައް އެއްފަރާތްކުރުމަށް ހުންނަން ޖެހޭ ކަމަށެވެ. އެހެން ނޫންނަމަ ފެން ލޮރީއަށް މާލޭގެ މަގުތަކުގައި ދުއްވާ ނުލެވޭ ކަމަށެވެ.
މާލެގައި 8 ލޮރީ ނުވަތަ 9 ލޮރީ 80 ވަރަކަށް މުއައްޒަފުން ބޭނުންކޮށްގެން ފެން ޑެލިވަރ ކުރުމުގެ މަސައްކަތް ކުރާއިރުގަ މިއޮންނަނީ ނުކަތާފަ. ރޭގައިވެސް ވަރަށް ލަސްވަން ފުލުހުން ވަރަށް ބޮޑަށް އެމްޑަބްލިއުއެސްސީ ފެން ޑެލިވަރީގައި އެހީތެރިކަން ފޯރުކޮށްދިން. އެހެންނަމަވެސް ޕެންޑިން އޯޑަރުތަކެއް އެބަހުރި. އެއޯޑަރުތަކަށް ފެން އޯޑަރުތަކެއް ޑެލިވަރީޓީމުންތަކުން އެމަސައްކަތް ކުރަމުން އެބަ ގެންދޭ.މެނޭޖިން ޑިރެކްޓަރު ހަސަން ޝާހު
އޯޑަރު ދިނުމަށް ގުޅާ ނަންބަރު، 9885544 އެންގޭޖްވާ މައްސަލައަށް އަލިއަޅުއްވާލައްވާ ޝާހު ވިދާޅުވީ ތާޒާފެނުގެ ވެބްސައިންޓުން އޯޑަރު ނެގުމަށް ޚާއްސަ ފޯމެއް މިހާރު ފެންނާނެ ކަމަށެވެ. އަދި އެފޯމް ފިލްކުރުމުން ލިސްޓު ކުރެވޭނެ ކަމަށާއި، ޑެލިވަރީގެ ޚިދުމަތަށް ފަސޭހަވެގެންދާނެ ކަަމަށް އުންމީދުކުރެވޭ ކަމަށް ޝާހު ވިދާޅުވިއެވެ.
މީގެއިތުރުން ޝާހު ވިދާޅުވީ ހުރިހާ ކަމެއްގައި މިދުވަސްވަރު އެއްބަޔަކު އަނެއްބަޔަކަށް އެއްބާރުލުންދޭންޖެހޭ ކަމަށާއި، ކެތްތެރިކަން އިސްކުރަންޖެހޭ ކަމަށެވެ. ލޮކްޑައުންގެ މިހާލަތުގައި ދަތިތަކެއް ކުރިމަތިވާނެ ކަމަށާއި، އެމް.ޑަބްލިއު.އެސްސީން ވެސް މަސައްކަތަށް ނެރެނީ ވަރަށް މަދު މުއައްޒަފުން ކަމަށް ޝާހު ވިދާޅުވިއެވެ.
އެމް.ޑަބްލިއު.އެސްސީން ފޯރުކޮށްދޭ ވޯޓަރ ސަޕްލައި ފެނާ ބެހޭ ގޮތުން ޝާހު ވިދާޅުވީ އެއީ ބުއިމަށް ކަމުދާ ކޮލެޓީ ރަނގަޅު ރައްކާތެރި ފެނެއް ކަމަށެވެ. އަދި ކޮންމެ ދުވަހަކު ވެސް ފެނުގެ ކުލައާ ވަހުގެ އިތުރުން ކޮލެޓީ ބެލުމަށް ޓެސްޓުކުރާ ކަމަށް ވެސް ޝާހު ވިދާޅުވިއެވެ.
