އިސްލާމިކް ޔުނިވަރސިޓީގެ އޮންލައިން ކްލާސްތައް މެދުކަނޑާލައިފި
ހޮނިހިރު ދުވަހުން ފެށިގެން 1 މެއި 2020 ގެ ނިޔަލަށް އޮނެލައިންކޮށް ކިޔަވައިދިނުން މެދުކަނޑާލާފައިވޭ
އިސްލާމިކް ޔުނިވަރިސިޓީގެ ދަސްވެނީންތަކެއް
އިސްލާމިކް ޔުނިވަރސިޓީ އޮފް މޯލްޑިވްސް އިން ކުރިއަށް ގެންދިޔަ އޮންލައިން ކްލާސްތައް މެދުކަނޑާލައިފިއެވެ.
އިސްލާމިކް ޔުނިވަރސިޓީން ބުނީ ކޮވިޑް-19 އާ ގުޅިގެން ޔުނިވަރސިޓީގައި ކްލާސްތައް ބޭއްވުން މަނާކޮށްފައިވިއަސް ދަރިވަރުންގެ ކިޔެވުން މެދުކަނޑާ ނުވުމަށްޓަކައި 5 އެޕްރީލް 2020 އިން ފެށިގެން އޮންލައިންކޮށް ކިޔަވައިދެމުންދާ ކަމަށެވެ.
އެހެންނަމަވެސް މުޅި މާލެ އަދި މިހާރު މުޅި ރާއްޖެ އެއްކޮށް ބަންދުކޮށްލާފައި ވުމާއި، ބަލީގެ ނުރައްކާތެރިކަން އިތުރުވަމުންދިއުމާ އެކު މިހާރު ހާލަތަށް ބަލައި ހޮނިހިރު ދުވަހުން ފެށިގެން 1 މެއި 2020 ގެ ނިޔަލަށް އޮންލައިންކޮށް ކިޔަވައިދިނުން މެދުކަނޑާލާފައިވާ ކަމަށެވެ.
އަދި މި ޚުޠޫރަތްތެރި ދަނޑިވަޅުގައި އެންމެހާ ދަރިވަރުންނަށް ﷲ ގެ ހެޔޮ ރަހުމަތްލައްވައި، މި ނުރައްކާތެރި ވަބާ އިން އަޅުގަނޑުމެން މިންޖު ކޮށްދެއްވުން އެދި ދުޢާ ކުރާކަމަށް ޔުނިވަރސިޓީގެ ބަޔާނުގައި ވަނީ ބުނެފައެވެ.
ކޮވިޑް-19 އާއި ގުޅިގެން މި މަހުގެ ނިޔަލަށް ވަނީ ސަރުކާރުވެސް ބަންދުކޮށްފައެވެ.
އަދި 14 ދުވަހުގެ މުއްދަތަކަށް މުޅި މާލެ ލޮކްޑައުންކޮށްފައިވާ އިރު ރާއްޖޭގެ އެއްރަށުން އަނެއް ރަށަށް ފުރުން ވެސް ވަނީ މަނާކޮށްފައެވެ.
