ބާސާގައި ކުޓީނިއޯ މަޑުކުރާނެ ކަމުގެ އުންމީދު އެބައޮތް: ސެޓިއެން

ބްރެޒިލްގެ ތަރި ފިލިއްޕޭ ކުޓީނިއޯ އަންނަ ސީޒަނުގައި ބާސެލޯނާގައި މަޑުކުރާނެ ކަމުގެ އުންމީދު އެބައޮތް ކަމަށް އެޓީމުގެ ކޯޗު ކިކޭ ސެޓިއެން ބުނެފި އެވެ.

އުމުރުން 27 އަހަރުގެ ކުޓީނިއޯ ބަޔާނަށް ކުޅެމުން އަންނަނީ ބާސެލޯނާގެ ލޯނު އެއްބަސްވުމެއްގެ ދަށުންނެވެ. މި ސީޒަން ނިމުމުން ބަޔާންގެ ލޯނު އެއްބަސްވުން ހަމަވާއިރު، ބަޔާނުން ބޭނުންވެއްޖެނަމަ ކުޓީނިއޯ ދާއިމީކޮށް ގަނެވޭ ގޮތަށް އެއްބަސްވުމުގައި ވަނީ ހިމަނާފަ އެވެ. ކުޓީނިއޯގެ އެއްބަސްވުން ދާއިމީ ކުރަން ބަޔާނުން 110 މިލިއަން ޕައުންޑް ބާސާއަށް ދައްކަން ޖެހޭއިރު، ބަޔާނުން މިހާތަނަށް ކުޓީނިއޯއާ މެދު ވަކި ގޮތެއް ނިންމާފައެއް ނުވެއެވެ.

ރިޕޯޓުތައް ބުނާ ގޮތުން ލޯނު އެއްބަސްވުން ހަމަވުމުން، އަންނަ ސީޒަނުގައި ކުޓީނިއޯ ބާސާއަށް އަލުން ބަދަލުވާނެއެވެ.

ދާދި ފަހުން ބާސާގެ ކޯޗު ކިކޭ ސެޓިއެން ބުނީ ކުޓީނިއޯ އަކީ އަދިވެސް ވަރަށް މޮޅު ކުޅުންތެރިއެއް ކަމަށާއި، އަންނަ ސީޒަނުގައި އޭނާ ބާސާގައި މަޑުކުރާނެ ކަމަށް އުންމީދުކުރާ ކަމަށެވެ. އެގޮތުން ކުޓީނިއޯ އަކީ އަދިވެސް ބާސާ ކުޅުންތެރިއެއް ކަމަށާއި، އޭނާއަކީ ވަރަށް ގަޔާވާ ކުޅުންތެރިއެއް ކަމަށް ސެޓިއެން ވަނީ ބުނެފައެވެ.

ސެޓިއެން މިހެން ބުނިއިރު، ކުޓީނިއޯ ހޯދަން ޗެލްސީ އާއި މެންޗެސްޓާ ޔުނައިޓެޑުން އަންނަނީ މަސައްކަތް ކުރަމުންނެވެ. ރިޕޯޓުތައް ބުނާ ގޮތުން ކުރިއަށް އޮތް ހޫނު މޫސުމުގެ ޓްރާންސްފާ ބާޒާރުގައި ކުޓީނިއޯ ހޯދުމަށް ޗެލްސީން އަންނަނީ މަސައްކަތް ކުރަމުން އަންނަނީ ލޯނު އެއްބަސްވުމެއްގެ ދަށުންނެވެ.

2018 ވަނަ އަހަރުގެ ޖެނުއަރީ މަހު ލިވަޕޫލުން 142 މިލިއަން ޕައުންޑަށް ބާސާއަށް ބަދަލުވި ކުޓީނިއޯއަށް އެ ކްލަބުގައި އެންމެ އެދެވޭ ކުޅުން ދެއްކިފައެއް ނުވެ އެވެ. އެގޮތުން ކުޓީނިއޯ ބާސެލޯނާގައި ކުޅުނު 76 މެޗުގައި ޖެހިފައިވަނީ 21 ލަނޑެވެ.

އޭގެ ފަހުން މިދިޔަ ސީޒަނުގައި ލޯނު އެއްބަސްވުމެއްގެ ބަޔާނަށް ބަދަލުވި ކުޓީނިއޯއަށް މިހާތަނަށް އެޓީމަށް ކުޅެދިން 32 މެޗުގައި ކާމިޔާބުކރެވިފައިވަނީ އެންމެ 9 ލަނޑެވެ.