ކޮވިޑް-19: އެމެރިކާގައި މަރުވީ މީހުންގެ އަދަދު 10 ހާހަށް ވުރެ މައްޗަށް އަރައިފި
ފާއިތުވެދިޔަ 24 ގަޑިއިރުގެތެރޭގައި އެމެރިކާއިން 25,653 މީހަކު ވައިރަސްއަށް ޕޮޒިޓިވްވެފަ
އެމެރިކާގެ ރަސްމީ ބިނާއެެއް
ކޮވިޑް-19 ޖެހިގެން އެމެރިކާގައި މަރުވީ މީހުންގެ އަދަދު 10 ހާހަށްވުރެ މައްޗަށް އަރައިފިއެވެ.
އެންމެފަހުގެ ޑޭޓާތަކައް ބަލާލާއިރު، ފާއިތުވެދިޔަ 24 ގަޑިއިރުގެތެރޭގައި އެމެރިކާއިން 25,653 މީހަކު ވައިރަސްއަށް ޕޮޒިޓިވްވެ، ފަރުވާދެމުން ދަނިކޮށް 1,098 މީހުން ވަނީ މަރުވެފައެވެ.
މިއާއެކު އެމެރިކާގައި ކޮވިޑް-19 ޖެހިގެން މަރުވީ މީހުންގެ އަދަދު ވަނީ 10,714 އަރާފައެވެ. އަދި ވައިރަސްއަށް ޕޮޒިޓިވްވީ މީހުންގެ މިހާރުގެ ޖުމުލަ އަދަދަކީ 362,326 އެވެ.
މިހާރުވެސް، 332,299 މީހަކަށް ފަރުވާދެމުންދާއިރު، މީގެތެރެއިން 8,871 މީހެއްގެ ޙާލަތު ވަރަށް ސީރިއަސްކަމަށް ރިޕޯޓުތައް ބުނެއެވެ.
މިހާތަނަށް އައިއިރު ފަރުވާދީގެން ރަނގަޅުކުރެވިފައިވަނީ 19,313 މީހުންނެވެ. މިއީ، އެެމެރިކާގައި ވައިރަސް ޖެހުނު މީހުންނާއި ބަލާއިރު ނިޞްބަތުން ވަރަށް މަދު ޢަދަދެކެވެ.
