މިކަން ކާމިޔާބުކޮށް ކޮޅެއްގައި ޖައްސާނަން: ފާރިސް
27 މާރިޗު 2017 | ހޯމަ 22:47ޕީޕީއެމްގެ އަސާސީ ގަވައިދާ ހިލާފަށް ޕާޓީއަށް ވެރިވެގެން އުޅޭ ބައިގަނޑެއް މިއަދު ފެނިގެންދަނީ
ދިއްގަރު ދާއިރާގެ މެމްބަރު ފާރިސް މައުމޫނު
ރައްޔިތުންގެ މަޖިލީހުގެ ރައީސް އަބްދުﷲ މަސީހުގެ އިތުބާރު ނެތް ކަމަށް މިއަދު ފާސް ނުކުރެވަސް، މަސައްކަތް ހުއްޓާލާނީ "މިކަން ކާމިޔާބުކޮށް، ކޮޅެއްގައި ޖެއްސުމަށް ފަހު" ކަމަށް، ދިއްގަރު ދާއިރާގެ މެމްބަރު ފާރިސް މައުމޫން ވިދާޅުވެއްޖެ އެވެ.
ޖުމްހޫރީ ޕާޓީގެ މައި ޖަގަހަ، ކުނޫޒުގައި ހޯމަ ދުވަހުގެ ރޭ ބޭއްވި ގުޅިފައިވާ ޕާޓީތަކުގެ ޖަލްސާގައި،ކުރީގެ ރައީސް މައުމޫން އަބްދުލް ގައްޔޫމްގެ ދަރިކަލުން ފާރިސް ވިދާޅުވީ މިއަދު މަޖިލީހުގައި ނެގީ ވޯޓެއް ނޫން ކަމަށާއި ޕީޕީއެމްގެ މެމްބަރުން ކުޅުއްވީ ތަމްސީލެއް ކަމަށެވެ.
ފާރިސް ވިދާޅުވީ މަޖިލީހުގެ ގަވާއިދުގައި އިލެކްޓްރޯނިކް ވޯޓިން ނެގުމަށް ވަރަށް ސާފްކޮށް ބުނެފައި އެބައޮތް ކަމަށެވެ. އެހެން ނަމަވެސް ރިޔާސަތުން ވޯޓަށް އެއީ ޤަވާއިދާ ޚިލާފަށް ކަމަށް އޭނާ ވިދާޅުވި އެވެ.
"މިއަދު ލީ ވޯޓެއް ނޫން. މިއަދު ފެނިގެން ދިޔައީ ތަމްސީލެއް ކުޅުނު ތަން. ވޯޓުލުމުގައި އަމަލު ކުރާނެ ގޮތްތައް ވަނީ ކަނޑައަޅާފައި. ވޯޓުލުމަށް ވަގުތު ވެސް ވަނީ
މިއަދުގެ ވޯޓް ކާމިޔާބު ނުވުމުން ހިތާމަ ކުރައްވާކަން ފާހަގަ ކުރައްވަމުން ފާރިސް ވިދާޅުވީ، މިފަދަ ބޮޑެތި މަސައްކަތް އެހާ ފަސޭހައިން ކާމިޔާބު ނުވާނެކަން ވެސް ގަބޫލުކުރައްވާ ކަަމަށެވެ.
ވޯޓްގެ ނަތީޖާ ކޮންމެ ގޮތަކަށް ނުކުތް ނަމަވެސް "މިއަދުގެ މަސައްކަތް ވަރަށް ކާމިޔާބު" ކަމަށް ފާރިސް ވިދާޅުވި އެވެ. މިއަދު މެމްބަރުންގެ ފަރާތުން ފެނުނު ސާބިތުކަމުގެ ސަބަބުން އިތުރު ހިތްވަރެއް ލިބިވަޑައިގެންނެވި ކަމަށް ވެސް ފާރިސް ވިދާޅުވި އެވެ.
"މިކަމުގައި ދެމިތިބޭނެ ކަމުގެ ޔަގީންކަން ދެން،" އޭނާ ވިދާޅުވި އެވެ.
މަޖިލީހުގައި ޖެހި "ސަކަރާތާއެކު" ވޯޓް ކާމިޔާބު ނުވިޔަސް، ފާރިސް ވިދާޅުވީ ލިބިވަޑައިގެންނެވި ހިތްވަރަކީ، މަސީހުގެ އިތުބާރު ނެތްކަމުގެ މައްސަލަ އަލުން ކުރިއަށް ގެންދަން ވިދާޅުވުމުންނެވެ. އެ ބޭފުޅުނަށް މަޖުބޫރީ ހާލަތްތައް ކުރިމަތިވެފައިވާ ކަމަށް ވެސް ޕީޕީއެމްގެ ބައެއް މެމްބަރުން ވިދާޅުވި އެވެ.
