ކޮވިޑް-19 އާއި ގުޅިގެން ބަހްރެއިންގެ ސްކޫލްތައް ބަންދުކޮށްފި
27 ފެބުރުއަރީ 2020 | ބުރާސްފަތި 06:21ސްކްޫލްތައް ބަންދު ކުރީ ދެހަފުތާގެ މުއްދަތަކައް
ބަހްރައިންގައި ބަޔަކު ޑޮކްޓަރަށޤ ދައްކަން ކިއުގައި ޖެހިގެން
ބަހްރެއިންގައި ހަލުވިކަމާއެކު ކޮރޯނާވައިރަސް ފެތުރެމުންދާތީ، ސަލާމަތާއި ރައްކާތެރިކަމުގެ ފިޔަވަޅެއްގެ ގޮތުން އެޤައުމުގެ ސްކޫލްތައް ވަގުތީގޮތުން ބަންދުކުރުމަށް އެޤައުމުގެ ސަރުކާރުން ނިންމައިފިއެވެ.
މިކަން ހާމަކުރައްވާ އެޤައުމުގެ ރަސްކަމުގެ ދަރުބާރުން ޢާންމުކުރައްވާފައިވާ ބަޔާނެއްގައި ބުނެފައިވަނީ، 26 ފެބުރުއަރީން ފެށިގެން ދެ ހަފުތާގެ މުއްދަތަކައް އެޤައުމުގެ ހުރިހައި ސަރުކާރު ސްކޫލްތަކާއި، ޕްރައިވެޓް ސްކޫލްތައް ކިޔެވުން ހުއްޓާލަން އަންގާ އިޢުލާން ކުރާ ކަމަށެވެ. މި ބަޔާނުގައި ވާ ގޮތުން ނަރސަރީ ސްކޫލްތައް ވެސް ބަންދުކުރަން ޖެހެއެވެ. ސްކޫލްތައް ވަގުތީގޮތުން ބަންދުކުރިކަން އިޢުލާންކުރި ނަމަވެސް، އަލުން ހުޅުވާނެ ތާރީޚެއް އިޢުލާންކޮށްފައެއް ނުވެއެވެ.
ބަހްރެއިންގެ ހެލްތު މިނިސްޓްރީންވެސް ވަނީ މިކަމާއި ގުޅިގެން ޚާއްޞަ ބަޔާނެއް ނެރެފައެވެ. އެބަޔާނުގައި ބުނެފައިވަނީ، ރަސްކަމުގެ ދަރުބާރުން ނެރެފައިވާ ބަޔާނުގައިވާ ކަންކަން ތަންފީޒުކުރުމުގެ ގޮތުން ބަޔާނަށް ރިޢާޔަތްކޮށް، ފިޔަވަޅުތަކެއް ތަންފީޒްކުރަން އެވުޒާރާއިންވެސް ނިންމާފައިވާކަމަށެވެ. އެގޮތުން، ހުރިހައި ސްކޫލެއްގެ ދަރިވަރުން ކޮރޯނާ ވައިރަސްއަށް ސްކްރީން ކުރުމަށް ވަނީ ނިންމާފައެވެ. ބަހްރައިނުން މިހާތަނަށް އައިއިރު 26 މީހުން ވަނީ ކޮރޯނާވައިރަސްއަށް ޕޮޒިޓިވްވެފައެވެ.
އެޤައުމުގެ ޓްރާންސްޕޯޓް މިނިސްޓްރީން ވަނީ އަވަށްޓެރި އިރާނަށް ދަތުރުކުރުންވެސް މަނާކޮށްފައެވެ. އަދި ދުބާއީ، ޝާރްޖާ އަދި ޔޫއޭއީއަށް ކުރަމުން އައި ވައިގެ ތާވަލު ދަތުރުތައްވެސް ވަނީ ވަގުތީ ގޮތުން މެދު ކަނޑާލާފައެވެ.
