މި އަހަރު ހައްޖަށް މީހުން ގެންދިއުމުގެ ހުއްދަ 4 ކުންފުންޏަކަށް
25 ފެބުރުއަރީ 2020 | އަންގާރަ 03:33ބިޑް ހުށަހެޅުމަށް ހުޅުވާލި ފުރުސަތުގައި 15 ކުންފުންޏަކުން ބިޑް ހުށަހަޅާފައިވޭ
ހައްޖަށް މީހުން ގެންދިއުމަށް ޝައުގުވެރިވާ ކުންފުނިތަކުން ބިޑްހުށަހެޅުން ކުރިއަށްދަނީ
މި އަހަރު ރާއްޖެ އިން ޙައްޖަށް މީހުން ގެންދިއުމުގެ ހުއްދަ ހަތަރު ކުންފުންޏަކަށް ދިނުމަށް އިސްލާމިކް މިނިސްޓްރީން ނިންމައިފިއެވެ.
އިސްލާމިކް މިނިސްޓްރީން ބުނީ1441 ވަނަ އަހަރު ރާއްޖެއިން ޙައްޖަށް މީހުން ގެންދިއުމަށް ޝައުޤުވެރިވާ ކުންފުނިތަކުން ބިޑު ހުށަހެޅުމަށް ހުޅުވާލި ފުރުޞަތުގައި 15 ކުންފުންޏަކުން ބިޑްު ހުށަހަޅާފައިވާ ކަމަށެވެ.
އަދި މި ކުންފުނިތަކުގެ ތެރެއިން 4 ކުންފުންޏަކަށް ފުރުޞަތު ދިނުމަށް ހަމަޖެހިފައިވާ ކަމަށް އެ މިނިސްޓްރީން މަޢުލޫމާތު ދެއެވެ. ނަމަވެސް އެ 4 ކުންފުނީގެ މަޢުލޫމާތު މިނިސްޓްރީން އަދި ހާމައެއް ނުކުރެއެވެ.
ޙައްޖަށް މީހުން ގެންދިޔުމަށް ހުއްދަ ދޭން ނިންމާފައިވަ ކުންފުނި ތަކަކީ އެކަމަށް އެދި ހުށައަޅާފައިވާ ކުންފުނިތައް އިވެލުއޭޓްކުރުމަށް ފަހު އެންމެ މަތިން މާކްސް ލިބުނު 4 ކުންފުންޏަށްކަމަށް އިސްލާމިކް މިނިސްޓްރީން މަޢުލޫމާތު ދެއެވެ.
ރާއްޖެއިން މިދިޔަ އަހަރު ޙައްޖަށް މީހުން ގެންގޮސްފައިވާ ގްރޫޕު ތަކަކީ މޯލްޑިވްސް ހައްޖު ކޯޕަރޭޝަން ލިމިޓެޑް، ޒަޢީ ގްރޫޕް ޕްރައިވެޓް ލިމިޓް، ތަޒްކިޔާ ޕްރައިވެޓް ލިމިޓެޑް، އަލް ހައްޖު އެންޑް އުމްރާ ކޮމްޕެނީ މޯލްޑިވްސް ޕްރައިވެޓް ލިމިޓެޑް، މިނާ ހައްޖު އުމްރާ ޕްރައިވެޓް ލިމިޓެޑް އަދި އެކްރޯ ޕްރައިވެޓް ލިމިޓެޑްއެވެ.
