ކ. މާލެ
|
24 ފެބްރުއަރީ 2020 | ހޯމަ 16:42
ހިޔުމަން ރައިޓްސް އެންޑް ޖެންޑަރ ކޮމިޓީގެ ބައްދަލުވުމުގެ ތެރެއިން
ހިޔުމަން ރައިޓްސް އެންޑް ޖެންޑަރ ކޮމިޓީގެ ބައްދަލުވުމުގެ ތެރެއިން
ޔޫސުފް ސޮފްވާން ރަޝީދު
ރައްޔިތުންގެ މަޖިލިސް
ދެ އަހަރު ނުފުރޭ ތުއްތު ކުއްޖާއަށް ޖިންސީ ގޯނާކުރި މައްސަލަ ދިރާސާކުރި ކޮމިޓީގެ ރިޕޯޓު މަޖިލީހުން ފާސްކޮށްފި
 
ކޮމިޓީން ވަނީ 7 ހުށަހެޅުމެއް ޖެންޑާރ މިނިސްޓްރީއަށް ހުށަހަޅާފައި
 
މިމައްސަލަ ދިރާސާކުރިއިރު 5 ހޯދުމެއް ކޮމިޓީއަށް ހޯދިފައިވޭ
 
ރިޕޯޓް މަޖިލީހުން ފާސްކޮށްފައިވަނީ ވޯޓުގައި ބައިވެރިވެވަޑައިގެންނެވި 63 މެމްބަރުންގެ އިއްތިފާގުން

ދެ އަހަރު ނުފުރޭ ތުއްތު ކުއްޖާއަށް ޖިންސީ ގޯނާކުރި މައްސަލަ ރައްޔިތުންގެ މަޖިލީހުގެ ހިޔުމަން ރައިޓްސް އެންޑް ޖެންޑަރ ކޮމިޓީން ދިރާސާކޮށް ނިންމިގޮތުގެ ރިޕޯޓު ރައްޔިތުންގެ މަޖިލީހުން ފާސްކޮށްފި އެވެ.

އެރިޕޯޓު މަޖިލީހުން ފާސްކޮށްފައިވަނީ ހޯމަ ދުވަހުގެ ޖަލްސާގައި އެވޯޓުގައި ބައިވެރިވެވަޑައިގެންނެވި 63 މެންބަރުންގެ އިއްތިފާގުންނެވެ. މިމައްސަލައަކީ ދެ އަހަރު ނުފުރޭ ތުއްތު ކުއްޖަކަށް ޖިންސީ ގޯނާކުރި ކަމަށް ތުހުމަތު ކުރެވޭ މައްސަލައެއް ކޮމިޓީގެ ސަމާލުކަމަށް އައުމުން ކޮމިޓީން ބަލަންފެށި މައްސަލަ އެކެވެ. މިމައްސަލަ ކޮމިޓީން ދިރާސާކުރިއިރު، މަޢުލޫމާތު ސާފުކުރުމަށް މިނިސްޓްރީ އޮފް ޖެންޑަރ ، ފެމިލީ އެންޑް ސޯޝަލް ސަރވިސަސް އާއި މޯލްޑިވްސް ޕޮލިސް ސަރވިސްގެ ފެމިލީ އެންޑް ޗައިލްޑް ޕްރޮޓެކްޝަން ޑިޕާޓްމަންޓް އަދި ޕްރޮސެކިޔުޓަރ ޖެނެރަލްގެ ބޭފުޅުންނާ ބައްދަލުކުރައްވާ މަޢުލޫމާތު ސާފުކުރައްވާފައިވެ އެވެ. މީގެއިތުރުން މިޙާދިސާ ހިނގި ގއ ކަނޑުހުޅުދޫގެ ކައުންސިލްގެ ރައީސް އާ ފޯނުން ގުޅައިގެން ކޮމިޓީން ވަނީ މަޢުލޫމާތު ސާފުކޮށްފައެވެ.

މިމައްސަލައިގެ ކޮމިޓީ ރިޕޯޓު ހުށަހަޅުއްވަމުން ކޮމިޓީގެ މުޤައްރިރު އަދި ހިންނަވަރު ދާއިރާގެ މެންބަރ ޖީހާން މަހުމޫދް ވިދާޅުވީ މިމައްސަލަ ދިރާސާކުރިއިރު، 5 ކަމެއް ކޮމިޓީއަށް ހޯދިފައިވާކަމަށެވެ.

ފަސް ހޯދުމުގެ ތެރެއިން އެންމެ ފުރަތަމަ ނުކުތާއަކީ ދައުލަތުގެ މުއައްސަސާތައް އެކުގައި މަސައްކަތްނުކުރުމުގެ ސަބަބުން އެއް މުއައްސަސާއަކަށް ލިބޭ މައުލޫމާތު އަނެއް މުއައްސަސާއަށް ހިއްސާނުކުރުމުގެ ސަބަބުން ކުއްޖާގެ މިހާލަތުގައި ކުއްޖާއަށް ޖިންސީ ގޯނާކުރި ދެފަރާތަކީވެސް މުއައްސަސާތަކުގައި އެފަރާތްތަކާއި ގުޅޭގޮތުން ޝަކުވާތައް ހުރި އަދި އޭގެތެރެއިން އެއް ފަރާތަކީ ދެ ކުއްޖަކަށް ޖިންސީ އަނިޔާކޮށްގެން ދައުވާ އުފުލާފައިވާ ފަރާތެއްކަން .އަދި ކަންމިހެން އޮތުމުގެ ސަބަބުން މިކުއްޖާ ދިރިއުޅޭ މާހައުލުގައި މިކުއްޖާ ނުރައްކަލަށް ހުށަހެޅިފައިވާކަން ދައުލަތަށް އެނގެން އޮވެމެ އެކަމާގުޅިގެން އަޅަންޖެހޭ ފިޔަވަޅުތައް ނޭޅުމުގެ ސަބަބަކީ މިކުއްޖާއަށް މިބޮޑު އަނިޔާ ދިމާވާން މެދުވެރިވި ސަބަބުކަމަށް ކޮމިޓީއަށް ފާހަގަވުން.
ހިންނަވަރު ދާއިރާގެ މެމްބަރ ޖީހާން މަހުމޫދް

ޖީހާން ވިދާޅުވީ ކޮމިޓީއަށް ދެން ހޯދިފައިވަނީ ރަށު ފެންވަރުގައި މަސައްކަތްކުރާ މުއައްސަސާތައް އެކުގައި ރަށުގައި ހިނގާ މިފަދަ މައްސަލައެއް ނުވަތަ އަނިޔާއަށް ހުށަހެޅިފައިވާ މިފަދަ ކުއްޖެއް ހުރިނަމަ ނުވަތަ އަނިޔާއަކަށް ހުށަހެޅުމުގެ ފުރުޞަތު ބޮޑު ޢާއިލާއެއްގައި ކުދިންތަކެއް ތިބިކަން ފާހަގަވާއިރުވެސް މިއިން އެއްވެސް މުއައްސަސާއަކުން އެ މުއައްސަސާއަކަށް ނިޞްބަތްވާ ޤާނޫނުގައިވާ ޒިންމާތައް ސާފުވެފައި ނުވުމުގެ ސަބަބުން އަދި ޒިންމާ ނުއުފުލުމުގެ ސަބަބުން ނުރައްކަލަށް ހުށަހެޅިފައިވާ ކުޑަކުދިން ރަށްރަށުގައި ރަނގަޅަށް ދެނެގަނެވިފައި ނުވާކަން، ކަމަށް ޖީހާން ވިދާޅުވި އެވެ.

ތިން ވަނަ ކަމެއްގެ ގޮތުގައި ކޮމިޓީއަށް ފާހަގަކުރެވިފައިވާ ކަމަކީ ޗައިލްޑް ޕްރޮޓެކްޝަން ޑޭޓާ ބޭސް އެއް އެކުލަވާލެވި، އޭގެ މަޤްސަދަކީ ހުރިހާ މުއައްސަސާއެއް އެކުގައި މަސައްކަތްކުރާނެ ޕްލެޓް ފޯމެއް އެކުލަވާލެވުން ކަމުގައި ވީހިނދުވެސް މިޑޭޓާ ބޭސް އަޕްޑޭޓް ނުކުރެވި ،ބޭނުންނުކުރެވުމުގެ ސަބަބުން އެއް މުއައްސަސާއިން ގެންގުޅޭ މަޢުލޫމާތު އަނެއް މުއައްސަސާއަށް އެނގެންވީ ހިނދުގައި ނޭންގުންކަމަށް ޖީހާން ވިދާޅުވި އެވެ. އެހެންވުމުން ދެ އަހަރުގެ ކުއްޖާއަށް ދިމާވި މައްސަލައަކީ ނިޒާމުގައި ހުރި ކަންކަން ފެއިލްވުމުގެ ސަބަބުން ދިމާވިކަމެއް ކަމަށް ޖީހާން ވިދާޅުވިއެވެ.

ކޮމިޓީގެ ހޯދުންތަކާއެކު، 7 ހުށަހެޅުމެއް ޖެންޑަރ މިނިސްޓްރީއަށް ހުށަހަޅާފައިކަމަށް ޖީހާން ވިދާޅުވި އެވެ.

އޭގެތެރޭގައި މިވަނީ 48 ގަޑިއިރުގެ ތެރޭގައި ހައިރިސްކު ފެމިލީތައް ނުވަތަ އާއިލާތައް އައިޑެންޓިފައި ކުރުމަށް ކްރައިޓީރިއާއެއް އެކުލަވާލުން. މިހާރު އެކުލަވާލާފައި އެކަން ވަނީ މަޖިލީހަށް އަންގަވާފައި. ނުރައްކަލަށް ހުށަހެޅިފައިވާ ކުދިންގެ ތެރެއިން ދައުލަތުގައި މިހާރު މައުލޫމާތުވާ ކުޑަކުދިންނާއި އާއިލާތައް ދެނެގަނެ އެކަން ދަފްތަރު ކުރުން. މިކަމަށް ކޮމިޓީން ކަނޑައެޅީ 7 ދުވަހުގެ މުއްދަތެއް. 7 ދުވަހުގެ މުއްދަތުގެ ތެރޭގައި މިހާރު މިމަސައްކަތް ވަނީ ކޮށް ނިންމާފައި. އޭގެއިތުރުން 30 ދުވަހުގެ މުއްދަތު ދެވުނު ކަންތައްތަކުގެ ތެރޭގައި ފާހަގަކޮށްލަން ރަށްރަށުގެ ފެންވަރުގައި ހުރިހާ މުއައްސަސާތައް އެކުގައި ކޮންމެ ރަށެއްގައިވެސް ނުރައްކަލަށް ހުށަހެޅިފައިވާ އާއިލާތައް ދެނެގަތުމަށް ރަށު ފެންވަރުގައި ލާމަރުކަޒީ ގޮތެއްގައި މަސައްކަތްކޮށް މައްސަލަތައް އެއްކުރުމަށްފަހު އެފަދަ އާއިލާތަކުގެ މައުލޫމާތު އެއްކުރުމަށްފަހު ނުރައްކަލަށް ހުށަހެޅިފައިވާ އާއިލާތަކުގެ ދަފްތަރު އަޕްޑޭޓްކުރުން. އެމަސައްކަތް މިހާރު ކުރިޔަށްދ
ހިންނަވަރު ދާއިރާގެ މެމްބަރ ޖީހާން މަހުމޫދް

މީގެއިތުރުން ކުޑަކުދިންގެ މައްސަލަތައް ބެލުމަށް ޖެންޑަރ މިނިސްޓްރީގައި އޮންނަ ނިޒާމު އަދި ފުލުހުންގެ އިދާރާގައި އޮންނަ ޗައިލްޑް ޕްރޮޓެކްޝަން ޔުނިޓުގެ ޕަރފޯމެންސް އޮޑިޓެއް ހެދުމަށްފަހު ރައްޔިތުންގެ މަޖިލީހަށް 30 ދުވަހުގެ ތެރޭގައި ފޮނުވުމަށްވެސް ކޮމިޓީން ވަނީ ނިންމާފަ އެވެ. އަދި އެއޮޑިޓް ނުލިބޭކަމަށް ޖީހާން ވިދާޅުވިއެވެ.

30 ދުވަހުގެ މުއްދަތު ދިން އަނެއް ހުށަހެޅުމަކީ ޗައިލްޑް ޕްރޮޓެކްޝަން ޑޭޓާ ބޭސް އަލުން އެކްޓިވޭޓްކޮށް މި ނިޒާމު ބޭނުންކުރަން ފެށުމާއި، ޤަވާއިދުން އަޕްޑޭޓްކުރަމުން ދިޔުންކަމަށް ޖީހާން ވިދާޅުވިއެވެ. މީގެއިތުރުން ހުރިހާ މުއައްސަސާއެއް އެކުގައި މަސައްކަތްކުރާނެ ނެޝަނަލް ސްޓޭންޑިން އޮޕަރޭޝަން ޕްރޮސީޖަރ އެއް އެކުލަވާލުމަކީވެސް 30 ދުވަހުގެ ތެރޭގައި ކުރުމަށް ކޮމިޓީން އެކަށައަޅާފައިވާ ކަމެއްކަމަށް ޖީހާން ވިދާޅުވި އެވެ.

ޖީހާން ވިދާޅުވީ، މިމުއްދަތުގެ ތެރޭގައި ޖެންޑަރ މިނިސްޓްރީއަށް ބޮޑެތި ބަދަލުތަކެއް އައިސްފައިވާކަމަށެވެ. އަލަށް ވަޑައިގެންނެވި ޖެންޑަރ މިނިސްޓަރުގެ ލަފާފުޅާ އެކުގައި މި ހުށަހެޅުންތައް ފުރިހަމަކުރުމަށްފަހު މަޖިލީހަށް ފޮނުއްވުމާއި ހިސާބުން ދެން މިމައްސަލަ ދިމާވުމަށް މެދުވެރިވި ސަބަބާ ގުޅުންހުރި އިތުރު ގޮތްތައް ހޯދިގެންދާނެކަން ޖީހާން ވަނީ ފާހަގަ ކުރައްވާފައެވެ.

ދެ އަހަރު ނުވާ ތުއްތު ކުއްޖަކަށް އޭނާގެ ޢާއިލާގެ ތެރެއިން ބަޔަކު ޖިންސީ ގޯނާކުރި މައްސަލަ މިދިޔަ ޖެނުއަރީ މަހުގެ މެދެއްހާ ތަނުގައި ފެންމަތިވުމާއި ގުޅިގެން އެތައް ބަޔެއްގެ ފާޑުކިޔުން ޖެންޑަރ މިނިސްޓްރީއަށާއި ކަމާބެހޭ ފަރާތްތަކަށް ވަނީ ޢަމާޒުވެފަ އެވެ. މިކަމާގުޅިގެން މަޖިލީހުގެ ހިޔުމަން ރައިޓްސް ކޮމިޓީން މިމައްސަލަ ދިރާސާކޮށް ރިޕޯޓެއް އެކުލަވާލާ ވަކިކަންތައްތަކެއް ކުރުމަށް ކަމާބެހޭ ފަރާތްތަކަށް ވަނީ މީގެކުރިން މަތިކޮށްފަ އެވެ. ހޯމަ ދުވަހުގެ ޖަލްސާގައި މިވަނީ މިކަންކަން މަޖިލީހުގެ ޖަލްސާއިން ފާސްކޮށްފަ އެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ޒިހްނަތު ހަސަން
0%
0%
0%
0%
0%
0%
ކޮމެންޓް