ދިވެހީންގެ ތެރޭގައި މަގުބޫލު ޔަމަހާ ބްރޭންޑް ސައިކަލުގެ ހާއްސަ ޕްރޮމޯޝަނެއް "ޔަމަހާ މޮޓޯ ގާޑިއަން"ގެ ނަމުގައި އެލިއާ އިންވެސްޓްމަންޓުން ފަށައިފިއެވެ.

"ޔަމަހާ މޮޓޯ ގާޑިއަން"ގެ ދަށުން ހިންގާ ހާއްސަ ހަރަކާތްތަކެއް ބޭއްވުމަށް ހަމަޖެހިފައިވަނީ 07 ފެބްރުއަރީ އަދި 08 ފެބްރުއަރީ ހަވީރު 4:00 އަކުން ރޭގަނޑު 10:00 އަށެވެ. މިހަރަކާތްތަކުގެ ދަށުން ސައިކަލު ބައްލަވައިގަންނަވާ ކޮންމެ ބޭފުޅަކަށްވެސް ހާއްސަ އޮފަރތަކެއް ލިބިގެންދާނެއެވެ.

މި ޕްރޮމޯޝަންގެ ތެރެއިން ސައިކަލު ބައްލަވައިގަންނަވާ ފަރާތްތަކަށް ސައިކަލު ލިބިވަޑައިގަންނަވާނީ ކަސްޓަމަރުންގެ އަތުން އެއްވެސް އިތުރު ޚަރަދަކާއި ނުލާ ކޮމްޕްރިހެންސިވް އިންޝުއަރެންސް އާއި އެކުގައެވެ. އަދި ސައިކަލަށް ދައްކާ ފުރަތަމަ ޕޭމަންޓްއާއި އެކު ކަސްޓަމަރުގެ އަމިއްލަ ނަމަށް ރަޖިސްޓްރީ ކުރުމަށްފަހު ސައިކަލު ހަވާލު ކުރާނީ ކަސްޓަމަރުގެ އަމިއްލަ ނަމުގައި "ޕީ" ބޯޑުގައެވެ.

މީގެ އިތުރުން އެއްކޮށް ފައިސާ ދައްކައިގެން ސައިކަލު ބައްލަވައިގަންނަވާ ފަރާތަކަށް 4000 ރުފިޔާއާއި ހަމައަށް ޑިސްކައުންޓް ލިބިގެންދާނެއެވެ.

އަމާނާ ތަކާފުލް އާއި ގުޅިގެން ކުރިއަށްގެންދާ މި ޕްރޮމޯޝަންގައި އަމާނާ ތަކަފުލްގެ ކޮމްޕްރިހެންސިވް އިންޝުއަރެންސް ދަށުން ކަސްޓަމަރުންނަށް ޔަޤީންކޮށްދެނީ، ކަސްޓަމަރުންގެ ސައިކަލު ގެއްލުމުން އަދި އެކްސިޑެންޓްތަކުގައި އާއި މިނޫންވެސް އިތުރު ހާދިސާތަކުގައި ކަސްޓަމަރުން އެހީތެރިއަކަށްވާނެކަމެވެ.

އެލިއާ އިންވެސްޓްމަންޓްސްއިން އިންސްޓޯލްމަންޓްގެ ދަށުން ކުރާ ވިޔަފާރިއަކީ އިސްލާމީ ޝަރީޢާ ހުއްދަކުރާ އުސޫލުން ކުރެވޭ ވިޔަފާރިއެކެވެ. އަދި ރިބާގެ އެއްވެސް މުޢާމަލާތެއް އެކުލެވިގެންނުވާ މުއާމަލާތެކެވެ. މި ޕްރޮމޯޝަން ކުރިޔަށް ދާނީ 24 ޖެނުއަރީ 2020 އިން 20 ފެބްރުއަރީ 2020 ގެ ނިޔަލަށެވެ.