ކަސްޓަމްސްގެ ބައެއް ހިދުމަތްތައް އޮންލައިން ކޮށްފި
26 ޖެނުއަރީ 2020 | އާދީއްތަ 09:26ކަސްޓަމްސް އިން އޮންލައިން ކޮށް ދޭން ފެށީ ދެ ހިދުމަތެއް
ކަސްޓަމްސްގެ މައި އިމާރާތް
މޯލްޑިވްސް ކަސްޓަމްސަ ސަރވިސަސްއިން ވިޔަފާރިވެރިންނަށް ފޯރުކޮށްދޭ ބައެއް ހިދުމަތްތައް އޮންލައިންކޮށް ދޭން ފަށައިފިއެވެ.
ދުނިޔޭގެ ކަސްޓަމްސް ދުވަސް ފާހަގަކުރުމުގެ ގޮތުން ބޭއްވި ރަސްމިއްޔާތެއްގައި ދެ ހިދުމަތެއް އޮންލައިންކޮށް ދިނުމަށް ތައާރަފްކޮށްފައިވެއެވެ. އެއީ މުދާ ކްލިއަކުރަން ދޭ، އޮފް ޝޯ އޮންލައިން އެޕްލިކޭޝަން އާއި އިމްޕޯޓް/ އެކްސްޕޯޓް ރެޖިސްޓްރޭޝަން ހިދުމަތެވެ. މި ހިދުމަތްތައް ތައާރަފްކޮށްދެއްވީ ޑިފެންސް މިނިސްޓަރ މާރިޔާ އަހުމަދު ދީދީއެވެ.
ކަސްޓަމްސް އިން ބުނެފައިވަނީ މި ހިދުމަތްތައް އޮންލައިންކޮށް ލިބޭނެ މަގުފަހިކޮށްދިނުމުން، ވިޔަފާރިވެރިންނަށް ބޮޑެތި ލުއި ފަސޭހަތަކެއް ލިބިގެންދާނެ ކަމަށެވެ. މި ހިދުމަތްތަކަކީ، ހިދުމަތް ހޯދާ ފަރާތްތަކުން ކަސްޓަމްސްގެ އޮފީސްތަކަށް ދިއުމުން ލިބޭ ހިދުމަތްތަކެވެ.
