ދެވަނަ ޑިވިޝަން ފުޓުބޯޅަ މުބާރާތުގައި ކުޑަހެންވެއިރު ޔުނައިޓެޑް އަދި ބީޖީ ސްޕޯޓްސް ބައްދަލުކުރި މެޗު އެއްވަރުވެގެން ނިމިއްޖެއެވެ.

މި މެޗު ފަށައިގެން ދެ ޓީމުގެ ފަރާތުން ހަމަހަމަ ކުޅުމެއް ފެނިގެންދިޔައިރު މި މެޗުގައި ދެ ޓީމަށް ވެސް ލަނޑު ޖަހަން ފުރުސަތުތަކެއްލިބި ވަނީ ބޭކާރުވެފައެވެ. އެގޮތުން މެޗުގެ 20 ވަނަ މިނެޓުގައި ކުޑަހެންވެއިރު ކުޅުންތެރިންނަށް ވަނީ ލަނޑު ޖަހަން ރަނުގެ ފުރުސަތެއްލިބި ބޭކާރުވެފައެވެ. އަދި މެޗުގެ 36 ވަނަ މިނެޓުގައި ބީޖީއަށް ވެސް ވަނީ ލަނޑު ޖަހަން ފުރުސަތެއްލިބި ބޭކާރުވެފައެވެ. މެޗުގެ 41 ވަނަ މިނެޓުގައި ކުޑަހެންވެއިރުން ވަނީ ލަނޑު ޖަހައި ލީޑު ނަގައިފައެވެ. މި ލަނޑު އެޓީމަށް ކާމިޔާބުކޮށްދިނީ ޔޫސުފް މޫސާ އެވެ.

މެޗުގެ ފުރަތަމަ ހާފު ނިމިގެންދިޔައީ 1-0 ގެ ނަތީޖާ އަކުން ކުޑަހެންވެއިރު ކުރީގައި އޮވެގެންނެވެ.

މެޗުގެ ދެވަނަ ހާފު ފަށައިގެން ދެ ޓީމުގެ ފަރާތުން އެޓޭކިންގ ގޭމެއް ފެނިގެންދިޔައިރު މި ހާފުގައި ބީޖީއިން ވަނީ އެޓީމުގެ އެޓޭކްތައް ވަރުގަދަ ކޮށްފައެވެ. މެޗުގެ 60 ވަނަ މިނެޓުގައި ބީޖީއިން ވަނީ ލަނޑު ޖަހައި މެޗުގެ ނަތީޖާ ހަމަހަމަ ކޮށްފައެވެ. މި ލަނޑަށްފަހު ވެސް ބީޖީ އަށް ވަނީ ލަނޑު ޖަހަން ފުރުސަތުތަކެއްލިބި ބޭކާރުވެފައެވެ.