ކ. މާލެ
|
8 ޑިސެންބަރ 2019 | އާދީއްތަ 15:24
މަޑުއްވަރީ ދާއިރާގެ މެމްބަރު އާދަމް ޝަރީފް
މަޑުއްވަރީ ދާއިރާގެ މެމްބަރު އާދަމް ޝަރީފް
މަޖިލިސް
އާދަމް ޝަރީފް
އެމްޑީޕީގެ ތިން މެމްބަރަކު އިދިކޮޅާއި ގުޅެން ޝައުގުވެރިކަން ފާޅުކޮށްފައިވޭ: އާދަމް ޝަރީފް
 
ޕާޓީ ތެރޭގައި މަޝްވަރާ ކުރައްވާނެ ކަމަށް ވިދާޅުވި
 
ނަން ހާމައެއް ނުކުރައްވާ

ސަރުކާރުގެ މައި ޕާޓީ އެމްޑީޕީއަށް ނިސްބަތްވެވަޑައިގަންނަވާ ރައްޔިތުންގެ މަޖިލީހުގެ ތިން މެމްބަރަކު އިދިކޮޅު ޕްރޮގްރެސިވް ކޯލިޝަނާއި ގުޅެން ޝައުގުވެރިކަން ފާޅުކޮށްފައިވާ ކަމަށް ރައްޔިތުންގެ މަޖިލީހުގެ މަޑުއްވަރީ ދާއިރާގެ މެމްބަރު އާދަމް ޝަރީފް ވިދާޅުވެއްޖެއެވެ.

ރާއްޖެ.އެމްވީއަށް މައުލޫމާތުދެއްވަމުން ޕީއެންސީ އަށް ނިސްބަތްވެވަޑައިގަންނަވާ އާދަމް ޝަރީފް ވިދާޅުވީ، މަޖިލީހުގައި ހިމެނިވަޑައިގަންނަވާ ތިން މެމްބަރަކު ހުކުރު ދުވަހު އޭނާއާ ބައްދަލުކޮށް އިދިކޮޅާއި ގުޅެން ޝައުގުވެރިކަން ފާޅުކުރެއްވި ކަމަށެވެ. ކުރީގެ ޑިފެންސް މިނިސްޓަރުކަން ކުރައްވާފައިވާ އާދަމް ޝަރީފް ވިދާޅުވީ، ޕީޕީއެމް/ޕީއެންސީން އެ މެމްބަރުން ބަލައިގަންނާނެތޯ އެ މެމްބަރުން ސުވާލު ކުރެއްވި ކަމަށާއި، ޕާޓީގެ އުސޫލުތަކާއި ހަމަތައް ގަބޫލުކުރާ ބައެއް ނަމަށް އިދިކޮޅުން މަރުހަބާ ކިޔާނެ ކަމަށެވެ.

އެއީ ސީރިޔަސް ކަމެއް ވެއްޖެއްޔާ އަދި އިތުރު ސިޓިން އަކަށް އިށީންދެ ހިނގާށޭ ވާހަކަ ދައްކަން. މަޖިލީސް ހުޅުވުނީމާ މިކަންތަކާއި ބެހޭ ގޮތުން އިތުރަށް ވާހަކަދައްކާނަން.
އާދަމް ޝަރީފް ~ މަޑުއްވަރީ ދާއިރާގެ މެމްބަރު

އެ މެމްބަރުންގެ ނަންތަކެއް މެމްބަރު އާދަމް ޝަރީފް ހާމައެއް ނުކުރައްވައެވެ.

އެ މީހުން ޕާޓީ ބަދަލުވާން ޝައުގުވެރިކަން ފާޅުކުރީ ޕާޓީ ތެރޭގެ ކަންތައްތައް ހުރި ގޮތުން ކަމަށް އޭނާ ވިދާޅުވި އެވެ. އެކަމާއި ބެހޭ ގޮތުން ޕާޓީގެ ލީޑަރުންގެ ތެރޭގައި މަޝްވަރާ ކުރެއްވުމަށްފަހު އެ މެމްބަރުންނާއި އެކު އިތުރު ބައްދަލުވުންތަކެއް ބޭއްވުމަށް ހަމަޖެހިފައިވާ ކަމަށް ވިދާޅުވިއެވެ.

އެމްޑީޕީގެ ތިން މެމްބަރަކު އިދިކޮޅާއި ގުޅޭނެ ކަމަށް ޝައުގުވެރިކަން ފާޅުކޮށްފައިވާއިރު ރައްޔިތުންގެ މަޖިލީހުގެ ސުޕަ މެޖޯރީޓީއަކީ އެމްޑީޕީއެވެ. 19 ވަނަ މަޖިލީހުގެ އެ ޕާޓީ އަށް ނިސްބަތްވެ ވަޑައިގަންނަވާ 65 މެމްބަރަކު ހިމެނި ވަޑައިގަންނަވައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
29%
21%
0%
43%
7%
0%
ކޮމެންޓް
8 ޑިސެންބަރ 2019 | އާދީއްތަ 17:41
އައްޔަބެ
ކަނޑުކޮސް ލިޔަން ވީނު!
8 ޑިސެންބަރ 2019 | އާދީއްތަ 17:22
ލަލަލަާ
ކޮން ކަމެއްވެސް ވެދާނެޔޭ ބުނެވޭނީ. ބަލަ ނުފެނޭތަ މިސާލަކަށް ޕާކިސްތާނުގައި ހުންނަ ދިވެހި ސަފީރު. އެއީ ޔާމީނު ދައުރުގައި ޔާމީނު ލާފަ ހުރި މީހެއް . އަދިވެސް އެހުރީ!!!!