އުރީދޫ އިން ވައިފައި ކޯލިންގ ރާއްޖެއަށް މުޅިން އަލަށް ތަޢާރަފްކޮށްފި
މި ހިދުމަތް މޮބައިލް ކަވަރޭޖް ލިބުން ދަތި ހިސާބުތަކުގައާއި ފޯން ފްލައިޓް މޯޑްގައި ބޭނުންކުރަންޖެހޭ ވަގުތުތަކުގައި ބޭނުންކުރެވޭނެ
ވައިފައި ކޯލިންގ ރާއްޖެއަށް މުޅިން އަލަށް ތަޢާފުކުރުމުގެ ރަސްމިއްޔާތުގެ ތެރެއިން
ވައިފައި ކަނެކްޝަނެއް މެދުވެރިކޮށް، އެންމެ ސާފު ކޮލިޓީގައި ވޮއިސް ކޯލް ކުރެވޭ "ވައިފައި ކޯލިންގ" (ވޮއިސް އޯވަރ ވައި-ފައި ނުވަތަ ވޮވައިފައި) އުރީދޫ މޯލްޑިވްސް އިން ރާއްޖެއަށް ފުރަތަމަ ފަހަރަށް ތަޢާރަފްކޮށްފިއެވެ.
ކަސްޓަމަރުންގެ ބަދަލުވަމުންދާ ބޭނުންތަކާ ގުޅޭ ތަފާތު ޚިދުމަތްތައް ތަޢާރަފްކޮށް، އުރީދޫ ނެޓްވާރކް މެދުވެރިކޮށް ދިރިއުޅުމަށް އިތުރު ފުރިކަމަކަމެއް ގެނެސްދިނުމަށްޓަކައި އުރީދޫ މޯލްޑިވްސް އިން އަބަދުވެސް ދަނީ މަސައްކަތް ކުރަމުންނެވެ. ވައިފައި ކޯލިންގ (ވައިފައި) އަކީ މޮބައިލް ކަވަރޭޖް ލިބުން ދަތި ހިސާބުތަކުގައާއި ފޯން ފްލައިޓް މޯޑްގައި ބޭނުންކުރަންޖެހޭ ވަގުތުތަކުގައި، ވައިފައި ނެޓްވާރކެއް މެދުވެރިކޮށް ކޯލްކޮށް އަދި ކޯލް ރިސީވްކުރުމުގެ ފަސޭހަކަން ލިބިދޭ ޚިދުމަތެކެވެ.
ވައިފައި ކޯލް ކުރުމުން ލިބޭ ފައިދާ އަކީ ކޮބާ؟
މި ޚިދުމަތް ހޯދުމަށް ބޭނުންވާ ކަންކަމަކީ ކޮބާ؟
ވައިފައި ކޯލް ކުރެވޭ ފޯންތަކަކީ ކޮބާ؟
މި ޚިދުމަތް ބޭނުންކުރެއްވުމަށްޓަކައި، ފޯނުން އެންމެ ފަހުގެ ކެރިއަރ އަޕްޑޭޓް ކުރައްވަން ޖެހޭނެއެވެ. އައިފޯން ބޭނުންކުރައްވާ ފަރާތްތަކަށް އައިއޯއެސް ވަރޝަން 13.2 ނުވަތަ އެއަށް ވުރެ މަތީގެ ވަރޝަން އެއް މި ޚިދުމަތަށް ބޭނުންވާއިރު، ހުއާވޭ ކަސްޓަމަރުންނަށްވެސް އެންމެ ފަހުގެ އެންޑްރޮއިޑް އަޕްޑޭޓް މި ޚިދުމަތަށް ބޭނުންވާނެ ކަމަށް އުރީދޫ އިން މައުލޫމާތުދެއެވެ. ވައިފައި ކޯލިންގ ގެ ޚިދުމަތް ލިބިވަޑައިގަންނަވާނީ އުރީދޫ 4G ސިމް ބޭނުންކުރައްވާ، VoLTE ޚިދުމަތް އެކްޓިވޭޓް ކުރައްވާފައިވާ ކަސްޓަމަރުންނަށެވެ. މި ޚިދުމަތް،9296*8# އަށް ގުޅުއްވައިގެން ފަސޭހަކަމާއި އެކު އެކްޓިވޭޓްކުރެއްވޭނެއެވެ.
