ކޮލަމްބިއާގެ ރައީސް އިވާން ޑޫކޭ މަރކޭޒް އާއި ދެކޮޅަށް އެޤައުމުގެ ރައްޔިތުން ކުރަމުންދާ މުޒާހަރާގައި 200,000 އަށް ވުރެ ގިނަ މީހުން ބައިވެރިވެއްޖެއެވެ.
ބުރާސްފަތި ދުވަހު ކުރިޔަށްދިޔަ މުޒާހަރާގައި އެޤައުމުގެ އެތައް ސަތޭކަ ރައްޔިތުން ބައިވެރިވެފައިވާއިރު، އެ މުޒާހަރާ ރާވާ، އިންތިޒާމު ކުރާ ފަރާތްތަކުން ވަނީ ހޯމަ ދުވަހު ބާއްވަން ހަމަޖެހިފައިވާ މުޒާހަރާގައި ވީހާވެސް ގިނަ ބަޔަކު ބައިވެރިވުމަށް ގޮވާލާފަައެވެ.
ކޮލަމްބިއާގެ ރައީސް ޑޫކޭ އާއި ދެކޮޅަށް މުޒާހަރާ ކުރަމުންދާއިރު، އެ ކަމާއި ގުޅިގެން އެއްވެސް އެއްޗެއް ބުނަން އޭނާ އުޒުރުވެރިވެފައި ކަމަށް ބޭރުގެ ނޫސްތަކުން ރިޕޯޓު ކުރެއެވެ.
މުޒާހަރާގެ ބައިވެރިންދަނީ ކޮރަޕްޝަންއާއި ދެކޮޅަށް އަޑުއުފުލަމުންނެވެ. އަދި އެޤައުމުގެ ވަކިޞަރަޙައްދުތަކުގައި ތަރައްޤީގެ މަޝްރޫޢުތައް ކުރިއަށް ގެންދިއުމުގައި ދެމި ތިބުމަށް ވަނީ ގޮވާލާފައެވެ. މީގެ އިތުރުން އެޤައުމުގެ ޞިއްޙީ ނިޒާމާއި ތަޢުލީމީ ނިޒާމު މިހާރަށް ވުރެ ހަރުދަނާ ކުރުމަށް މުޒާހަރާގެ ބައިވެރިން ވަނީ ގޮވާލާފައެވެ.
ބުރާސްފަތި ދުވަހު ކުރިޔަށްދިޔަ މުޒާހަރާގައި މުޒާހަރާގެ ބައިވެރިންނާއި ފުލުހުންނާއި ދެމެދު ކުރިމަތިލުންތަކެއް ހިނގާފައިވެއެވެ.
