ހޮނިހިރު 07 ޑިސެންބަރު 2019
11 ދޮށަ
1441 ރަބީޢުލްއާޚިރު 10
ފަތިސް 04:42
އިރުއަރާ 05:58
މެންދުރު 12:01
އަސްރު 15:22
މަޣްރިބް 17:56
އިޝާ 19:13
ލުއި ޚަބަރު - ފިލްމް އިންޑަސްޓްރީ

އިންޑިއާގެ ޑައިރެކްޓަރަކު ދިވެހި އެކްޓަރުން ބޭނުންކޮށްގެން ފިލްމެއް ހަދަނީ!

  • ފިލްމު ޝޫޓް ކުރާނީ ދިވެހި ޑައިލޮގްތަކާއެކު
  • ދިވެހި ފިލްމު އިންޑަސްޓްރީގެ ނަން މަޝްހޫރު ތަރިން ފެންނާނެ

މުހައްމަދު މުސްތަފާ
musthomummu

ކ. މާލެ 19 ނޮވެންބަރު 2019 | އަންގާރަ 23:11 35,433

ޑައިރެކްޓަރު ބޭނަޒިރް - ފޭސްބުކް

އިންޑިއާގެ ދެކުނު ކޮޗިން ސިޓީގެ ޑައިރެކްޓަރެއް ކަމަށްވާ ބޭނަޒީރު މުޚްތާރު ދިވެހި އެކްޓަރުން ބޭނުންކޮށްގެން ފިލްމެއް ހަދަން ނިންމައިފިއެވެ.

ފިލްމުގެ ނަން ހާމަކޮށްފައި ނުވި ނަމަވެސް އެ ފިލްމުގައި ދިވެހި ފިލްމު އިންޑަސްޓްރީގައި ފާހަގަކޮށްލެވޭ ފަންނާނުން ފެންނާނެ ކަމަށް ފިލްމުގެ ޓީމުގައި ހަރަކާތްތެރިވާ ފިލްމީ ތަރި އަމަން އަލީ (ޓޮމް) ބުންޏެވެ. ބޭނަޒީރު ވަނީ މީގެ ކުރިން ތަމަޅަ ފިލްމެއްގެ ޑައިރެކްޝަންގައި މަސައްކަތްކޮށްފައެވެ. ކުރިޔަށް ހަދަން ނިންމާފައިވާ ފިލްމުގެ ސްކްރިޕްޓް ވެސް ތައްޔާރު ކުރަނީ އޭނާ އެވެ.

ޓޮމް ބުނީ، ބޭނަޒީރުގެ ފިލްމުގެ މަންޒަރުތައް ނަގަން ވިސްނާފައިވަނީ އައްޑޫ ސިޓީގައި ކަމަށާއި ސްކްރިޕްޓް ތައްޔާރުކޮށްފައިވަނީ ވެސް ޕްރޮމޯޝަނަލް ބައި ވިސްނުމުގައި ބަހައްޓައިގެން ކަމަށެވެ.

ބޭނަޒިރް މުހްތާރް (ވ)

ޓޮމް ބުނީ، ފިލްމުގެ އެކްޓަރުންނާއެކު ބުދަ ދުވަހުގެ ހަވީރު ސޮއި ކުރުމުގެ ރަސްމިއްޔާތެއް ސަލްސާ ރޯޔަލްގައި ބާއްވަން ނިންމާފައިވާ ކަމަށާއި އެ ރަސްމިއްޔާތުގެ ތެރެއިން ފިލްމުގެ ނަން ވެސް ހާމަކުރާނެ ކަމަށެވެ.

ފިލްމުގައި ފެންނާނީ، ޝީލާ ނަޖީބާއި، އައިމިނަތު ރިޝްފާގެ އިތުރުން، އަމަން އަލީ (ޓޮމް) އާއި އަލީ އާޒިމް (ދޮން އައްޔަ) ފަދަ ތަރިންނެވެ. އޭގެ އިތުރުން ޔޫސުފް ޝަފީއު (ޔޫއްޕެ) އަދި މަރިޔަމް ޝަހުޒާގެ އިތުރުން ލަހުފާ ފަދަ ފަންނާނުން ފެންނާނެއެވެ.

އެ ފިލްމު ރާއްޖޭގެ އިތުރުން އިންޑިއާގައި ރިލީޒްކުރާނެއެވެ. ފިލްމު ޝޫޓް ކުރާނީ ވެސް ދިވެހި ޑައިލޮގްތަކާއެކުއެވެ. ރާއްޖޭގައި ފިލްމު އަޅެވުމަށްފަހު އިންޑިއާގައި ފިލްމު އަޅުވާއިރު ތަމަޅަ ބަހުންވެސް ޑަބް ކުރަން ވަނީ ނިންމާފައެވެ.

އެންމެ ފަހުން އަޕްޑޭޓް ކުރީ: 2 ހަފްތާކުރިން | ރިވިއު ކުރީ: ޒިހްނަތު ހަސަން

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް