''ރާދޭ''ގެ ޝޫޓިން ފަށައިފި

އަންނަ އަހަރުގެ ބޮޑު އީދުގައި ނެރެން ހަމަޖެހިފައިވާ ''ރާދޭ'' ގެ ޝޫޓިން ހުކުރު ދުވަހު ފަށައިފިއެވެ. ފިލްމުގެ ޝޫޓިން ފެށިކަން އިއުލާން ކުރީ ފިލްމުގެ ބަތަލް ސަލްމާންހާންގެ އިންސްޓަގްރާމް މެދުވެރިކޮށެވެ.

އެ ފިލްމުވެސް ޑައިރެކްޓް ކުރާނީ ސަލްމާންގެ ދަބަންގް ވެސް ޑައިރެކްޓް ކޮށްފައިވާ ޕްރަބޫ ދޭވާއެވެ. ފިލްމުގައި ރަންދީޕް ހޫދާ، ޖެކީ ޝްރޯފްގެ އިތުރުން ދީޝާ ޕަޓާނީ ފެނިގެންދާނެއެވެ. ސުހައިލް ޚާން ޕްރޮޑަކްޝަނާއި ރީލް ލައިފް ޕްރޮޑަކްޝަން ގުޅިގެން ޕްރޮޑިއުސްކުރާ މި ފިލްމަކީ ސަލްމާން ޚާން ފިލްމްސްގެ ބެނަރގެ ދަށުން އުފައްދާ ފިލްމެކެވެ.

ބައެއް މީޑިއާ ރިޕޯޓުތައް ބުނާ ގޮތުން، އެ ފިލްމަކީ ކޮރެޔާ ފިލްމެއްގެ ކޮޕީއެކެވެ. އެހެން ނަމަވެސް ފިލްމު އުފެއްދި ފަރާތުން ބޭނުންވަނީ ފިލްމުގެ އަސްލު ނަން ސިއްރު ކުރާށެވެ. ކޮރެއާ ފިލްމުގެ ރައިޓްސް މިހާރު ވަނީ ގަނެފައެވެ.