ބީއެމްއެލްގެ ސީއޯއޯއަކަށް މުހައްމަދު ޝަރީފް
2 ނޮވެމްބަރު 2019 | ހޮނިހިރު 03:28ކުރިން ވެސް ބޭންކްގެ އިސް މަގާމުތަކެއް ފުރުއްވާފައިވޭ
ބީއެމްއެލްގެ ސީއޯއޯ މުހައްމަދު ޝަރީފް
ބޭންކް އޮފް މޯލްޑިވްސްގެ ޑެޕިއުޓީ ސީއީއޯ އަދި ޗީފް އޮޕަރޭޓިންގ އޮފިސަރުގެ މަގާމަށް މުހައްމަދު ޝަރީފް އައްޔަންކޮށްފިއެވެ.
ޝަރީފަކީ 1995 ވަނަ އަހަރު ބޭންކާ ގުޅުގު ފަހުން، ބީއެމްއެލްގެ އެކި ޑިޕާޓްމަންޓްތަކުގައި މަސައްކަތްކުރައްވާފައިވާ ބޭފުޅެކެވެ. އޭގެ ތެރޭގައި ރީޓެއިލް ބޭންކިންގގެ ޑިރެކްޓަރު ކަމާއި، ޑިރެކްޓަރ އޮފް އޮޕަރޭޝަންސްގެ އިތުރުން ޑެޕިއުޓީ ސީއީއޯގެ މަގާމުގެ ވެސް ހިމެނެއެވެ.
އިނގިރޭސިވިލާތުގެ ޔުނިވަރސިޓީ އޮފް މެންޗެސްޓަރއިން ތައުލީމް ހާސިލްކުރެއްވި ޝަރީފް އަކީ ބިޒްނަސް އެޑްމިނިސްޓްރޭޝަންގެ ދާއިރާއިން މާސްޓަރސް ހައްދަވައިގެން ހުންނެވި ބޭފުޅެކެވެ.
އެމްއެމްޕީއާރްސީގެ ހިޔާނާތާ ގުޅިގެން މަޖިލީހުގެ މާލިއްޔަތު ކޮމިޓީއަށް ވަޑައިގެން ދޮގު މައުލޫމާތު ދެއްވި މައްސަލައެއް ފުލުހުން ތަހުގީގު ވެސް ކޮށްފައިވެއެވެ. ބީއެމްއެލްއިން މިކަމާއި ގުޅިގެން ނެރުނު ބަޔާނެއްގައި ބުނީ ބޭންކުން ކޮމިޓީގައި ހިއްސާކޮށްފައިވާނީ ސައްހަ މައުލޫމާތު ކަމަށެވެ.
