ޖިންސީފުރައްސާރަ ކުރި މައްސަލައެއްގައި ޗެނަލް 13ގެ ނޫސްވެރިއެއް ޕޮލިސް މީޑިއާ ގުރޫޕަކުން ބޭރުކޮށްފި
އޭނާ ބޭރުކުރީ ޖިންސީ ފުރައްސާރަކުރި މައްސަލައެއްގައި ކަމަށް ޓްވީޓްގައިވޭ
ނޫސްވެރިޔާ ސަމާހް
ޖިންސީފުރައްސާރަ ކުރި މައްސަލަ އެއްގައި ޗެނަލް ތޭރައިގެ ނޫސްވެރިއެއް ޕޮލިސް ވަޓްސްއެޕް މީޑިއާ ގުރޫޕުން ބޭރުކޮށްފިއެވެ.
ޕޮލިސް ވަޓްސްއަޕް މީޑިއާ ގުރޫޕުން ބޭރުކޮށްފައިވަނީ ނޫސްވެރިޔާ ސަމާހް މުހައްމަދު އެވެ.
ފުލުހުންގެ ތަރުޖަމާނު އިޒްމިޔާ ޒާހިރު އަންގާރަ ދުވަހުގެ ރޭ ކުރެއްވި ޓްވީޓެއްގައި ވިދާޅުވީ، ޕޮލިސް ވަޓްސްއެޕް ގުރޫޕުން ސަމާހް ބޭރުކޮށްފައިވަނީ ޖިންސީ ފުރައްސާރަ ކުރި މައްސަލަ އެއްގައި ކަމަށެވެ.
އޭނާ ބޭރުކުރުމުގެ ކުރިން ޗެނަލް 13ގެ އިސް ބޭފުޅުންނަށް ވެސް ބައްދަލުކުރަން މަސައްކަތް ކުރި ނަމަވެސް ބައްދަލުވުމަށް އެދުނު ފަރާތް ހާޒިރުވެފައި ނުވާތީ ބައްދަލުވާނެ ގޮތެއް ނުވެފައިވާ ކަމަށް ވެސް އިޒްމިޔާގެ ޓްވީޓްގައި ވިދާޅުވެފައި ވެއެވެ.
ސަމާހް އަކީ ޗެނަލް 13ގައި މަޝްހޫރު މޫނެކެވެ. ސިޔާސީ ހަބަރުތައް ގިނައި ގެނެސްދޭ ސަމާހު ވަނީ މީގެ ކުރިން ސަން އޮންލައިންގައި ނޫސްވެރިއެއްގެ ގޮތުގައި މަސައްކަތްކޮށްފައެވެ.
