ގައުމީ ބެޑްމިންޓަން މުބާރާތުގައި ބައިވެރިވުމަށް އެދޭ ފޯމުލުމުގެ މުއްދަތު އިތުރުކޮށްފި

46 ވަނަ ގައުމީ ބެޑްމިންޓަން މުބާރާތުގައި ބައިވެރިވުމަށް ހުށަހަޅާ ފޯމް ހުށަހެޅުމުގެ މުއްދަތު އިތުރުކޮށްފައެވެ.

ބެޑްމިންޓަން އެސޯސިއޭޝަނުން ބުނީ މި މަހު 21 އިން 30 އަށް ކުރިޔަށްދާ ގައުމީ ބެޑްމިންޓަން މުބާރާތުގައި ބައިވެރިވާން ބޭނުންވާ ފަރާތްތަކަށް އެ ފުރުސަތު ހުޅުވައިލައިފައިވާ ކަމަށާއި އެހެންކަމުން މުބާރާތުގއި ބައިވެރިވާ އެންމެހައި ކުޅުންތެރިންނާއި، ކުލަބް/ޖަމްއިއްޔާ އަދި ބެޑްމިންޓަން ޑިވެލޮޕްމަންޓް ކޮމެޓީ ތަކުން މުބާރާތާއިބެހޭ އެންމެހައި ކަންކަމުގައި މުއާމަލާތް ކުރާނެ ފޯކަލް ޕޮއިންޓެއް ކަނޑައަޅާ އެފަރާތްތަކުގެ އެންމެހައި މައުލޫމާތެއް އެންޓްރީ ފޯމާއިއެކު ބެޑްމިންޓަން އެސޯސިއޭޝަނަށް ލިޔުމަކުން ހުށަހެޅުމަށެވެ.

ގައުމީ ބެޑްމިންޓަން މުބާރާތުގައި ބައިވެރިވުމަށް ހުށަހަޅަންޖެހޭ ފޯމު 13 އޮކްޓޯބަރު 2019 ވާ އާދީއްތަ ދުވަހުގެ މެންދުރު 14:00 ގެ ކުރިން ހުށަހެޅުމަށް ބެޑްމިންޓަން އެސޯސިއޭޝަނުން ބުނެއެވެ.

މީގެ އިތުރުން ބެޑްމިންޓަން އެސޯސިއޭޝަނުން ބުނީ މި މުބާރާތާއި ބެހޭ އިތުރު މައުލޫމާތުތަށް ބެޑްމިންޓަން އެސޯސިއޭޝަނުން ލިބެން ހުންނާނެ ކަމަށެވެ.