ތާލިބާނުންނާއި ރަޝިޔާ އާއި ދެމެދު މަޝްވަރާކޮށްފި

ތާލިބާނުންނާއެކު މަޝްވަރާތައް އަލުން ފަށާނެ ގޮތާއި ބެހޭގޮތުން ތާލިބާނުންނާއި ރަޝިޔާއިން މަޝްވަރާކޮށްފި އެވެ.

ތާލިބާނުންނާ މަޝްވަރާ ކުރުމުގެ ކަންތައް ކުރިއަށް ނުގެންދަން ޓްރަމްޕު ނިންމެވީ ތާލިބާނުން އެމެރިކާއަށް ބިރު ދެއްކުމަށްޓަކާ ބޮމުގެ ހަމަލާތަކެއް ދިނުމުގެ ސަބަބުންނެވެ.

ބޮމުގެ ހަމަލާތަކެއް އެމެރިކާއަށް ދީފައިވަނީ އަފްޣާނިސްތާނުގައި ހަރަކާތްތެރިވާ އެމެރިކާގެ ގިނަ އަދަދެއްގެ ސިފައިން އަނބުރާ ގައުމަށް ގެނައުމުގެ މަސައްކަތް ކުރަމުންދަނިކޮށެވެ. ތާލިބާނުން ވަނީ އެމެރިކާއަށް ސިފައިން އަނބުރާ ގެންގޮސްފިނަމަ ހަމަލާ ނުދޭނެ ކަމުގެ ޔަގީންކަން އަރުވާފައެވެ.

ނަމަވެސް ތާލިބާނުންވަނީ އެމެރިކާއަށް ދިން ބޮމުގެ ހަމަލާތަކަކީ އެމެރިކާއަށް އަމާޒުކޮށްގެން ދިން ހަމަލާތަކެއް ނޫން ކަމަށް ބުނެފައެވެ.

އެމެރިކާއާއި ތާލިބާނުންނާއި މެދު އެންމެ ފުރަތަމަ މަޝްވަރާ ކުރުމަށް ހަމަޖެހުނީ ފާއިތުވި 18 އަހަރު ވަންދެން ކުރަމުންދިޔަ ހަނގުރާމަ ނިމުމަކަށް ގެނައުމަށްޓަކައެވެ. ޕާކިސްތާނު ބޯޑަރު ކައިރީގައި އެމެރިކާ ސިފައިން ތިބެގެން ތާލިބާނުންނާ ދެކޮޅަށް ކުރަމުންއއި ދިގު ހަނގުރާމައިގައި އެމެރިކާ ކާމިޔާބީއެއް ލިބިފައި ނުވާއިރު ރަޝިއާއަށް ދިޔަ ތާލިބާނުންގެ ވަފްދުން ވަނީ، އެމެރިކާ ހިމަނައިގެން އަލުން މަޝްވަރާކުރަން ބޭނުންވާ ކަމަށް ބުނެފައެވެ.