ހއ. މޮޅަދޫ ބަނދަރު ހެދުމަށް ސެނޮކް ޓްރޭޑް ކޮމްބައިން ޕްރައިވެޓް ލިމިޓެޑާއި ހަވާލުކޮށްފިއެވެ.
26,984,891.28 ރުފިޔާގެ މި މަޝްރޫޢުއަކީ 1 އަހަރު ދުވަހުގެ ތެރޭގައި ނިންމުމަށް ހަވާލުކޮށްފައިވާ މަޝްރޫޢުއެކެވެ.
މި މަޝްރޫއު ގެ ދަށުން ކުރުމަށް ހަމަޖެހިފައިވާ މަސައްކަތްތައް:
- 232 މީޓަރ ބޭރުތޮށި
- 42 މީޓަރ ރިވެޓްމަންޓް
- 70 މީޓަރ ގްރޮއިން
- 20 މީޓަރ އެއްގަމު ތޮށި
- 600 ސްކެއަރ މީޓަރ ޕޭވްމެންޓް
- 02 ނެރުބައްތި
- 20 ބަނދަރު ބައްތި
- 01 ރޭމްޕް
- 24،726 ކިއުބިކް މީޓަރ ބަނދަރު ފުންކުރުން
- އެއްގަމު ތޮށިން ބޭރުތޮށްޓަށް އެރުމަށް ވޯކްވޭ
ކޮންޓްރެކްޓްގައި ޕްލޭނިންގް މިނިސްޓްރީގެ ފަރާތުން ސޮއި ކުރެއްވީ ޑިރެކްޓަރ ޖެނެރަލް ފާތިމަތު ޝާނާ ފާރޫގެވެ. ސެނޮކް ޓްރޭޑް ކޮމްބައިން ޕްރައިވެޓް ލިމިޓެޑްގެ ފަރާތުން ސޮއި ކުރެއްވީ އެކައުންޓެންޓް ޕްރަބާތެވެ.
ހއ. މޮޅަދޫ ގެ ބަނދަރު ހެދުމަށް އާދީއްތަ ދުވަހު ކޮންޓްރެކްޓްގައި ސޮއި ކޮށްފައިވާއިރު ޕްލޭނިންގް މިނިސްޓްރީއިން ވަނީ ހަތަރު ރަށެއްގެ ފެނާއި ނަރުދަމާގެ މަސަތްކަތް މޯލްޑިވްސް ވޯޓާ ސްވަރޭޖް ކޮމްޕެނީ (އެމްޑަބްލިޔުއެސްސީ) އާއި ބުދަ ދުވަހު ހަވާލުކޮށްފައެވެ. އެއީ ބ. ގޮއިިދޫއާއި ރ. ކިނޮޅަސް، ނ. ކުޑަފަރީގެ އިތުރުން ނ. މާޅެންދޫއެވެ.
