ގައުމީ ފިރިހެން އަދި އަންހެން ކްރިކެޓް ޓީމަށް ތަމްރީން ހެދުމުގެ ފުރުސަތު!

ގައުމީ ފިރިހެން އަދި އަންހެން ކްރިކެޓް ޓީމަށް އިންޑިއާގެ ޗެންނާއީގައި ތަމްރީން ހެދުމުގެ ފުރުސަތު ހަމަޖެހިއްޖެއެވެ.

ޔޫތު މިނިސްޓަރ އަހުމަދު މަހްލޫފް ކުރެއްވި ޓުވީޓެއްގައި ވިދާޅުވީ، ގައުމީ ފިރިހެން އަދި އަންހެން ކްރިކެޓް ޓީމަށް މި އަހަރު ޗެންނާއީގައި ތަމްރީން ހެދުމުގެ ފުރުސަތު ހަމަޖައްސައިދީފައިވާ ކަމަށެވެ.

އެގޮތުން މިނިސްޓަރ މަހްލޫފް ވަނީ މި ތަމްރީން ދަތުރު ހަމަޖައްސައިދިނުމުން އިންޑިއާ ސަރުކާރަށާއި، ބޯޑް އޮފް ކޮންޓްރޯލް ފޯ ކްރިކެޓް އިން އިންޑިއާ (ބީސީސީއައި) އިން ރާއްޖޭގައި ކްރިކެޓް ކުރިއެރުވުމަށް ކުރަމުންދާ މަސައްކަތަށް ޝުކުރު އަދާކޮށްފައެވެ.

ރާއްޖޭގެ ގައުމީ ކްރިކެޓު ޓީމު ކުރިއަރުވަން މިސަރުކާރުން ގިނަ މަސައްކަތްތަކެއް ދަނީ ކުރަމުންނެވެ. މީގެ އިތުރުން ރާއްޖޭގެ ކްރިކެޓްގެ ހާލަތު ބަލައި ދިރާސާ ކުރުމަށް އިންޑިއާގެ ކްރިކެޓް ބޯޑްގެ ވަފުދެއް މެއި މަހުގެ 20ގައި ރާއްޖެ ވަޑައިގަންނަވާ މުހިންމު މަޝްވަރާތަކެއް ޔޫތް މިނިސްޓްރީއާއެކު ވަނީ ކުއްވާފައެވެ.

ރާއްޖެ ވަޑައިގެންނެވި ވަފުދުގައި ހިމެނިވަޑައިގަންނަވަނީ އިންޑިއާގެ ކްރިކެޓްގެ ބެލެނިވެރި ފަރާތް ކަމަށްވާ ބީސީސީއައިގެ ޖެނެރަލް މެނޭޖަރ، އިންޑިއާގެ ކުރީގެ ވިކެޓް ކީޕަރ ސަބާ ކަރީމް އަދި އިންޑިއާ ގައުމީ ޓީމްގެ ފީލްޑިން ކޯޗް އަބޭ ޝަރްމާއެވެ.