ކ. މާލެ
|
25 އޯގަސްޓް 2019 | އާދީއްތަ 22:54
ގިޓާފިޝް އަށްވެސް ހިމާޔަތް ދިނުމަށް ވަނީ ނިންމާފަ
ގިޓާފިޝް އަށްވެސް ހިމާޔަތް ދިނުމަށް ވަނީ ނިންމާފަ
އެނިމަލް ރައިޓްސް
މިޔަރަށާއި މަޑީގެ އިތުރު 18 ބާވަތަކަށް ބައިނަލްއަގްވާމީގޮތުން ހިމާޔަތް ދޭން ނިންމައިފި
 
ކޮންމެ އަހަރަކު ގާތްގަނޑަކަށް 100 މިލިއަނަށްވުރެ ގިނަ މިޔަރު މަރާލާ
 
ހިމާޔަތްކުރަން ނިންމާފައިވާ ދިރުންތަކުގެ ތެރޭގައި ހިމެނެނީ މެކޯ ޝާކްސް، ވެޖް ފިޝަސް އަދި ގިޓާ ފިޝް

މިޔަރާއި މަޑީގެ 18 ވައްތަރުތަކަށް ބައިނަލްއަގްވާމީ ގޮތުން އިތުރަށް ރައްކާތެރިކަން ދިނުމަށް ގިނަ ގައުމުތަކުން އެއްބަސްވެއްޖެއެވެ.

ކޮންވެންޝަން އޮން އިންޓަނޭޝަނަލް ޓްރޭޑް އިން އެންޑޭންޖަރޑް ސްޕީޝީސް (ސައިޓްސް) ގައި މި ޕްރޮޕޯސަލް ފާސްކޮށްފައިވަނީ އާދިއްތަ ދުވަހުއެވެ.

އަލަށް ހިމާޔަތްކުރަން ނިންމާފައިވާ ދިރުންތަކުގެ ތެރޭގައި ހިމެނެނީ މެކޯ ޝާކްސް، ވެޖް ފިޝަސް އަދި ގިޓާ ފިޝްއެވެ.

މިޔަރުގެ އުރަހަ ހިމަނައިގެން ތައްޔާރު ކުރާ ސޫޕް، ޝާކް ފިން ސޫޕް ތައްޔާރު ކުރުމަށް ގިނަ އަދަދަކަށް މިޔަރު މަރަމުން ދާތީ މިޔަރުގެ ގިންތި ވަނީ ކަނޑުތަކުން މަދުވެފައެވެ.

މެކްސިކޯއިން ހުށަހެޅި މި ގަރާރަށް މި ހަފްތާގައި އަމަލުކުރަން ފަށާނެއެވެ. އެއަށް ފަހު މިފަދަ މަސްބޭނުމުން އެތަކެތި ނެތިގެން ދިއުމުގެ ބިރު އޮތްނަމަ، އެ މަސްތައް ބޭނުން މަނާވެގެން ދާނެއެވެ.

މި ޕްރޮޕޯސަލްއަށް 102 ގައުމަކުން ރުހުން ދިން ނަމަވެސް 40 ގައުމަކުން ވަނީ މިކަމާއި ހިލާފަށް ވޯޓު ދީފައެވެ. އޭގެ ތެރޭގައި ޗައިނާ، އައިސްލޭންޑް، ޖަޕާން، މެލޭޝިއާ އަދި ނިއުޒިލެންޑް ހިމެނެއެވެ.

އޭގެ އުރަހައިގެ ބޭނުމުގައި އެކަނިވެސް، ކޮންމެ އަހަރަކު ގާތްގަނޑަކަށް 100 މިލިއަނަށް ވުރެ ގިނަ މިޔަރު މަރާލާ ކަމަށް ޕިއު ޓްރަސްޓްގެ ތަފާސް ހިސާބުތަކުން ދައްކައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުޝާމް މުހަޢްމަދް
17%
0%
0%
17%
17%
50%
ކޮމެންޓް