ރާއްޖެ - އައްޑޫ ސިޓީ ފޭދޫ

އައްޑޫ ސިޓީ ފޭދޫ ޕޯސްޓް އޮފިސް ފަޅާލައި، ވައްކަންކޮށްފި

  • ޕޯސްޓް އޮފިސް ފަޅާލާފައިވަނީ ބުދަ ދުވަހުގެ ހެނދުނު 9:00 ހާއިރު
  • 2 ސީޕީޔޫ އާއި ޕްރިންޓަރެއްގެ އިތުރުން، ސްކޭނަރ އެއް ވަގަށް ނަގަފައިވޭ

ޝަރޫނާ އަބްދުﷲ
AbdullaSharoona

ކ. މާލެ 14 އޯގަސްޓު 2019 | ބުދަ 18:13 3,678

ފޭދޫގައި ހުޅުވާފައި ހުންނަ ޕޯސްޓް އޮފީސް - އައްޑޫ ލައިވް

އައްޑޫ ސިޓީ ފޭދޫގެ ޕޯސްޓް އޮފިސް ފަޅާލައި, އެ ތަނުން ވައްކަންކޮށްފި އެވެ.

ފުލުހުން ބުނީ، އެ ރަށުގެ ޕޯސްޓް އޮފިސް ފަޅާލާފައިވަނީ ބުދަ ދުވަހުގެ ހެނދުނު 9:00 ހާއިރު ކަމަށެވެ. މިހާތަނަށް ބެލި ބެލުމުގައި ޕޯސްޓް އޮފީހުން 2 ސީޕީޔޫ އާއި ޕްރިންޓަރެއްގެ އިތުރުން، ސްކޭނަރ އެއް ވަގަށް ނަގަފައިވާ ކަމަށް ފާހަގަކުރެވިފައިވާކަމަށް ފުލުހުން ބުންޏެވެ.

ފުލުހުން ދަނީ މި މައްސަލަ އިތުރަށް ތަހުގީގުކުރަމުންނެވެ.

އީދު ބަންދާ ދިމާކޮށް ވައްކަމުގެ މައްސަލަތައް އިތުރުވެދާނެތީވެ، އެކަމަށް ސަމާލުވުމަށް ފުލުހުން މީގެކުރިން ތަކުރާރުކޮށް އިލްތިމާސްކޮށްފައިވެއެވެ. އަދި އޮފީސްތަކާއި ހަވާލުވެ ތިބޭ ފަރާތްތަކުންވެސް އެކަމަށް ހާއްސަ ސަމާލުކަމެއް ދިނުމުން ފުލުހުން އިލްތިމާސްކޮށްފައިވެއެވެ.

އެންމެ ފަހުން އަޕްޑޭޓް ކުރީ: 1 ހަފްތާކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް