200 މީޓަރު ބްރެސްޓްސްޓްރޯކް އިވެންޓްގެ ގައުމީ ރިކޯޑް ސާޖިނާ އައުކޮށްފި
މި ރިކޯޑް މީގެ ކުރިންވެސް އޮންނަނީ ސާޖިނާ އަތުގައި
ސާޖިނާ
އަންހެނުންގެ (ލޯންގ ކޯސް) 200 މީޓަރ ބްރެސްޓްސްޓްރޯކް އިވެންޓުގެ ޤައުމީ ރެކޯރޑް އާއިޝަތު ސާޖިނާ އައުކޮށްފިއެވެ.
ކޮރެއާގައި މި ޖުލައި މަހުގެ 12 އިން 28 އަށް ކުރިއަށްދާ 18 ވަނަ ފީނާ ވޯރލްޑް ޗެމްޕިއަންޝިޕްސް ގައި ސާޖިނާ މި ރެކޯރޑް އައުކޮށްފައިވަނީ 03:04.53 އިން އިވެންޓް ފުރިހަމަކޮށްގެންނެވެ.
ސްވިމިންގް އެސޯސިއޭޝަނުން ބުނީ މިހާތަނަށް ދިވެހިރާއްޖޭގެ އަންހެން ފެތުންތެރިންގެ ތެރެއިން މިއިވެންޓް އެންމެ އަވަހަށް ނިންމާފައިވަނީ ވެސް ސާޖިނާއެވެ. އެއީ 2016 ވަނަ އަހަރު ބޭއްވި ފުރަތަމަ ސައުތު އޭޝިއަން އެކުއަޓިކް ޗެމްޕިއަންޝިޕްސް ގައެވެ.
އެ މުބާރާތުގައި 200 މީޓަރ ބްރެސްޓްސްޓްރޯކް އިވެންޓް ސާޖިނާ 03:08.15 އިން ފުރިހަމަކޮށް، ދިވެހިރާއްޖެއަށް ވަނީ އިންޑިވިޖުއަލް ފެތުމުގެ ކުޅިވަރަކުން ލިބުނު ފުރަތަމަ ރިހި މެޑަލް ހޯދައިދީފައެވެ.
ސާޖިނާވަނީ ފެތުމުން ރާއްޖެއަށް މުބާރާތް ތަކުން ރީތިނަން ހޯދައިދީފައެވެ.
