އައިއޯއައިޖީ ގައި ރާއްޖެއަށް ރަން މެޑަލް ހޯދަދިން ނަބީހާއަށް މަޖިލީހުގެ ރައީސް މަރުހަބާ ދަންނަވައިފި
27 ޖުލައި 2019 | ހޮނިހިރު 03:33މި މެޑެއްޔާއެކު މިހާތަނަށް ރާއްޖެއަށް ވަނީ 13 މެޑަލް ޔަގީންވެފަ
ނަބީހާއާއި ނަބާހާ މެޑަލްތައް ދައްކާލަނީ
އިންޑިއަން އޯޝަން އައިލެންޑް ގޭމްސް (އައިއޯއައިޖީ) ގައި ރާއްޖެއަށް ބެޑްމިންޓަން އިން ރަން މެޑަލް ހޯދަދިން ނަބީހާއަށް ކުރީގެ ރައީސުލްޖުމްހޫރިއްޔާ އަދި މިހާރުގެ މަޖިލީހުގެ ރައީސް މުހައްމަދު ނަޝީދް މަރުހަބާ ދަންނަވައިފިއެވެ.
ރައީސް ނަޝީދު ނަބީހާއަށް މަރުހަބާ ކިޔުއްވައި ކުރެއްވި ޓްވީޓްގައި ވަނީ ނަބީހާ ރާއްޖޭގެ މިނިވަން ދުވަހު ހޯދި ރަން މެޑައްޔާއެކު މުޅިރާއްޖެ ފަޙުރުވެރި ކުރުވާފައިވާ ކަމަށެވެ.
ރަން މެޑަލް ހޯދާފައިވަނީ ހުކުރު ދުވަހު ކުޅުނު ބެޑްމިންޓަން އަންހެން ސިންގަލްސް ސެމީ ފައިނަލުގައި ސީޝެލްސްގެ ކެމިލްއާއި ވާދަކޮށް މެޗު ކާމިޔާބުކޮށް ސީދާ ދެ ގޭމުންނެވެ.
މެޗުގެ ފުރަތަމަ ގޭމް 21-14 އިން ކާމިޔާބު ކޮށްފައިވާއިރު ދެވަނަ ގޭމް ކާމިޔާބުކޮށްފައިވަނީ 21-10 އިންނެވެ.
