ގައުމީ 10 ބޯލް ބިލިއާޑް މުބާރާތުގެ ޗެމްޕިއަންކަން އަހުސަން ހާޝިމަށް

މޯލްޑިވްސް ޕޫލް ބިލިއާޑް އެސޯސިއޭޝަން (އެމްޕީބީއޭ) އިން އިންތިޒާމުކޮށް ބޭއްވި ގައުމީ 10 ބޯލް ބިލިއާޑް މުބާރާތުގެ ޗެމްޕިއަންކަން ޒުވާން ކުޅުންތެރިޔާ އަހުސަން ހާޝިމް ކާމިޔާބު ކޮށްފިއެވެ.

މިމުބާރާތުގެ ޗެމްޕިއަންކަން އަހުސަން ހޯދީ އެންމެފަހުގެ ޗެމްޕިއަން ހުސެއިން ފަޔާޒް ބަލިކުރުމަށްފަހުގައެވެ. އެމްޕީބީއޭ ކުލަބް ހައުސްގައި ބޭއްވުނު މި މުބާރާތުގެ ތަށި އަހުސަން ކާމިޔާބުކުރީ ފަޔާޒް އާއި ވާދަކޮށް ރޭސް ޓު ނައިން ފްރޭމުންނެވެ.

މި މެޗް އޭނާ ކާމިޔާބުކުރީ ނުވަ ފްރޭމް ހަތް ފްރޭމުންނެވެ. މި މެޗުގައި އަހުސަންގެ ފަރާތުން ތަފާތު މޮޅު ކުޅުމެއް ވަނީ ފެނިގެންގޮސްފައެވެ. ފިރިހެންބައިގެ ތިންވަނަ ހޯދި ކުޅުންތެރިޔަކީ ހަސަން ޝާޒް މުހައްމަދެވެ.

އަހުސަން ފަޔާޒު ބަލިކޮށް ޗެމްޕިއަން ކަން ހޯދިއިރު ފަޔާޒް އަކީ ރާއްޖޭގައި މިވަގުތު ހުރި އެންމެ މޮޅު ބިލިއާޑް ކުޅުންތެރިންގެ ތެރޭގައި ހިމެނޭ ކުޅުންތެރިޔެކެވެ.

މުބާރާތުގެ އަންހެން ޑިވިސަންގެ ޗެމްޕިއަންކަން ހޯދައިފައިވަނީ އައިމިނަތު ހަލީމް (ދިލް)އެވެ. އޭނާ ޗެމްޕިއަންކަން ހޯދީ ފައިނަލުގައި ދީނާ އަހުމަދުގެ މައްޗައް ފަސް ފްރޭމް ތިން ފްރޭމްއިން ކުރި ހޯދައިގެންނެވެ. މިއީ އެމްޕީބީއޭ އިން އަންހެން ކުޅުންތެރިންގެ ރޭންކިންގް ދޭންފެށި ފުރަތަމަ އަހަރެވެ. ރޭންކިންގް ގެ ކުރި ލިބޭ ކުޅުންތެރިންނަށް ގައުމީ ޓީމުން ފުރުސަތު ލިބިގެންދާނެއެވެ.

މުބާރާތުގެ އެންމެ އުންމީދީ ކުޅުންތެރިޔަކީ މުހައްމަދު ސަމީރުއެވެ.